دونیا سوپراسپور موتوسیکلت شامپیونلوغوندا 7. مسابقه ایتالیا‌دا

دونیا سوپراسپور موتوسیکلت شامپیونلوغوندا 7. مسابقه ایتالیا‌داکی میسانو پیستینده ائدیلدی.
ایتالیانین ریمینی شهرین‌دکی 4 مین 226 مترلیک پیسته، 19 تور اوزرین‌دن ائدیلن مسابقه‌یه، کنان سوفوواوغلو، 4. خطّدن باشلادی.
سوفوو اوغلو یاخشی بیر چیخیش ائده‌رک 2. دؤنگه سونوندا 2. سیرایا قدر یوکسلدی.
آنجاق میللی ایدمانچی، 5. توردا یاکوبسن، 7. توردا دا میخائیل وان دیر مارکا کئچیله‌رک یئنی‌دن 4. سیرایا گئریله‌دی.
اعتابی، باشلادیغی سیرادا بیتیرن سوفوواوغلو، عمومی کلاسماندا 6. سیرادا قالدی.
مسابقه‌یه "پول یوزسیونو"ندان باشلایان آگوستا رپارتو کورس تیمیندن ژولس کلوزل ایسه لیدرلیگینی باشدان سونا قورودو.
داما‌لی بایراغی ایلک سیرادا گؤرن فران‌سیز پیلوت ژولس کلوزل‌ین آردین‌دان ایکینجی‌لیگی، میخائیل وان دیر مارک آلدی.
7
دونیا کوپاسیندا هیجان دونن (گ) و (ه) قروپ‌لاریندا اوینانان قارشیلاشما‌لارلا داوام ائتدی ..
(ه) قروپوندا بلژیک، روسیانی 1-0 مغلوب ائده‌رک امتیازینی 6 ائتدی و ایکینجی دؤوره یوکسلمه‌گی گارانتیلدی.
قروپدا اوینانان دیگر اویوندا الجزایر، جنوبی کوره‌نی 4-2 مغلوب ائتدی و ایکینجی سیرایا یوکسلدی.
(گ) قروپوندا ایسه پورتغالیا ایله آمریکا قارشیلاشدی ..
قارشیلاشما 2-2 بیرلیک‌لری نتیجه‌لندی.
پورتغالیا سون دقیقه‌ده ووردوغو قول ایله قروپ‌دان چیخما اومیدلرینی سون اویونا داشیدی.
دونیا کوپاسیوندا قروپ‌لاردا اوچونجو اویون‌لار بو آخشام باشلاییر.
(ب) قروپوندا هولند-شیلی و اوسترالیا-ایسپانیا قارشی-قارشییا گله‌جک. اویون‌لار ساعات 19دا باشلایا‌جاق.
(ب) قروپوندا بیرینجی هولند و ایکینجی شیللی‌نین 6 امتیازی وار. هولند و شیلی ایکینجی دؤوره یوکسلمه‌گی گارانتیلمیشدی.اوچونجو اوسترالیا و سون سیرا‌داکی ایسپانیانین ایسه امتیازی یوخدور.
(آ) قروپوندا کامرون-برزیل؛ کورواسی-مکزیک قارشیلاشا‌جاق. اویون‌لارین باشلاما ساعاتی 23.
قروپدا 4 امتیازی اولان برزیل بیرینجی، مکزیک قول فرقی ایله ایکینجی سیرادا ... کورواسی اوچ امتیازلا اوچونجو، امتیازی اولمایان کامرون سون سیرادا وار ..