دونیانین ان باهالی فوتبالچیلاری
۲۱٦ میلیون یورولوق دگریله بارسلونالی مسی ایلک سیرادا
اولوسلارآراسی ایدمان آراشدیرمالاری مرکزینین "ایللیک فوتبال دگرلندیرمهسی ۲۰۱٤" راپورونا گؤره، ژوئن ۲۰۱۳ - ژوئن ۲۰۱٤ آراسینداکی بیر ایللیک دؤنمده، آوروپانین ان بؤیوک ٥ لیگی اولاراق دگرلندیریلن ایسپانیا (لا لیگا)، اینگیلتره (پرمیر لیگ)، آلمانیا (بوندسلیگا)، ایتالیا (سری آ) و فرانسانین (لیگو ۱) ان اوست فوتبال لیگلریندهکی بازار دگری ان یوکسک فوتبالچی بارسلونانین آرژانتینلی اویونچوسو مسی اولدو.
مسینی، بو مؤوسوم ۱۷ گللا "شامپیونلار لیگینده بیر مؤوسومده ان چوخ گل ووران فوتبالچی" عنوانینی آلان رئال مادریدین پرتغاللی گلچوسو جکریستیانو رونالدو ۱۱٤ میلیون یورولوق بازار دگریله تعقیب ائتدی.
اینگیلتره پرمیر لیگده شامپیونلوغو سون هفتهیه قدر تعقیب ائدن لیورپولون اوروگوئهلی اویونچوسو لویس سوارئز ایسه ۱۰۷ میلیون یورولوق تخمینی دگرله مسی-رونالدو ایکیلیسینین آرخاسیندا اوچونجو سیرادا یئر آلدی.
بیر باشقا اینگیلیس کلوبو آرسنالین، ۲۰۱۳-۲۰۱٤ مؤوسومو اؤنجهسینده رئال مادریددن ٥۰ میلیون یورو قارشیلیغیندا ترانسفر ائتدیگی تورک اصیللی آلمان فوتبالچی مسعود اؤزایل، ٥۳ میلیون یورولوق دگرله ۸.جی سیرادا یئر آلدی.
ایلگیلیلی خبرلر
آوروپا شامپیوناتی-2024: آلمانیا میللیسی اسکاتلند تیمینه قارشی
A قروپونون ایلک ماتچیندا ائو صاحیبی آلمانیا میللیسی اسکاتلند تیمی ایله قارشیلاشاجاق.