اردوغان تۆرک قیزیل آیی ایله باغلی مئساژ یاییملادی
"تۆرک قیزیل آیی، چتین وضعیتده اولانلارین گله‌جه‌گه اومودلا باخمالارینی تامین ائتمک اوچون وار گوجویله چالیشماقد‌ادیر"
جمهورباشقانی رجب طیب اردوغان، تۆرک قیزیل آیینین، چتین وضعیتده اولانلارین گله‌جه‌گه اومودلا باخمالارینی تامین ائتمک اوچون وار گوجو ایله چالیشدیغینی ایفاده ائتدی.
جمهورباشقانی اردوغان، تۆرک قیزیل آیینین ۱۵۶.جی قورولوش ایل دؤنومو سببی ایله مئساژ یاییملادی.
اردوغان، مئساژیندا کؤمک‌سئورلیک، مرحمت، شفقت و دایانیشمانین سمبولو حالینا گلن تۆرک قیزیل آیینین فداکارجا ایجرا ائتدیگی خیدمتلری ایله بو ساحه‌ده دونیانین اؤنده گلن سایغین قورولوشلاری آراسیندا اولدوغونو وورغولادی.
"یاخشیلیغین گوجو ایله اینسانین و توپلومون غرورونو قوروماغی، مقاومتینی آرتیرماغی و اضطرابینی ساکیتلشدیرمه‌یی وظیفه ائد‌ن" تۆرک قیزیل آیینین، سون اولاراق عصرین فلاکتی ۶ فوریه (۲۰۲۳) زلز‌له‌سینده اولدوغو کیمی احتیاج دویولان هر زاماندا ایلک موداخیله‌نی گئرچکلشدیریب شفقت الینی اوزاتدیغینی بیلدیرن اردوغان، مئساژیندا بو ایفاده‌لری ایشلتدی:
"اولوسلارآراسی کؤمکلردن اجتماعی فعالیتلره، کؤچ ایشلریندن ایلک یاردیما، فلاکت تشکیلاتلانماسیندان قان باغیشینا قدر بیر چوخ ساحه‌ده اینسانلارین چتین زامانلاریندا یانیندا اولان تۆرک قیزیل آیینین بوتون کؤنوللولرینین فداکارلیقلارینی تقدیر ائدیریک. تۆرک قیزیل آیی، چتین وضعیتده اولانلارین گله‌جه‌گه اومودلا باخمالارینی تامین ائتمک اوچون وار گوجویله چالیشماقد‌ادیر. بو معنالی گونده توخوندوغو حیاتلاری یاخشیلاشدیرماغی و اینسانلیغا خیدمتده اؤلکه‌میزی ان یاخشی شکیل‌ده تمثیل ائتمه‌یی داوام ائتدیرجگینه ایناندیغیم تۆرک قیزیل آیینین بوتون منسوبلارینی و کؤنوللولرینی ان قلبی دویغولاریملا سالاملاییر، ایشلرینده باشاریلار دیله‌ییرم".
