یاشار گۆلر: ترور کوریدورو قورولماسینا ایجازه وئرمهیهجهییک
"مؤوضوع، ترور هؤرگوتونون داعش ایله موباریزهسی اولاراق سرویس ائدیلمکده و اولوسلارآراسی توپلوم یانیلدیلماقدادیر"
![یاشار گۆلر: ترور کوریدورو قورولماسینا ایجازه وئرمهیهجهییک](http://cdn.trt.net.tr/images/xlarge/rectangle/05a1/4faf/c411/6666f5cb2bcf3.jpg?time=1722046187)
میللی ساوونما باخانی یاشار گۆلر، سوریهنین قوزئیینده بیر ترور دؤولتینین قورولماسینا ایجازه وئرمهیهجکلرینی سؤیلهدی.
یاشار گۆلر باشقانلیغیندا؛ قوت قوموتانلاری، باخان کؤمکچیلری و یورد ایچی ایله سرحد اؤتهسی بیرلیک قوموتانلارینین ایشتیراکییلا ویدئو تلهکنفرانس ییغینجاغی گئرچکلشدیریلدی.
گۆلر، بؤلوجو ترور هؤرگوتو پکاکا/یپگنین سوریهنین قوزئیینده ایشغال ائتدیگی بؤلگهلردهکی سؤزده سئچیم ایشلرینه سرت تپکی وئردی.
باخان گۆلر، "ترور هؤرگوتو پکاکانین سوریه دموکراتیک گوجلری آدینی قوللاناراق سوریه اوزانتیلارینین، عرب اهالینین اکثریتده اولدوغو بؤلگهلرده سؤزده یئرلی سئچیم تشکیل ائتمه چابالاری دقت چکمکدهدیر. مؤوضوع، ترور هؤرگوتونون داعش ایله موباریزهسی اولاراق سرویس ائدیلمکده و اولوسلارآراسی توپلوم یانیلدیلماقدادیر" دئدی.
"آنجاق مسئله داعش ایله موباریزه دئییل، دوغرودان اؤلکهمیزی و بؤلگهمیزی هدف آلان حیلهلی بیر پلانین آددیم آددیم تطبیق اولونماغا چالیشیلماسیدیر" ایفادهسینی ایشلهدن گۆلر،
"ترور هؤرگوتو پکاکا/یپگ طرفیندن بؤلگهسل حقیقتلرله اویمایان صونعی ترور دؤولتی قورولماسینین بیر مرحلهسی اولاراق گؤرولهن بو سؤزده سئچیم ایشلرینی کسینلیکله رد ائدیریک. تۆرک سلاحلی گۆجلری، گونئی سرحدلرینین همن اؤتهسینده بؤلوجو هؤرگوتون بیر ترور کوریدورو قورماسینا اصلا ایجازه وئرمهیهجک" دئیه دانیشدی.