اردوغان، سیولاکو ایله اورتاق مطبوعات توپلانتیسی تشکیل ائتدی
جمهورباشقانی اردوغان، رومانیده یاشایان تۆرک و تۆرک-تاتار توپلوملارینی ایکی اؤلکه آراسینداکی دوستلوق کؤرپوسو اولاراق گؤردوکلرینی سؤیلهدی
جمهورباشقانی رجب طیب اردوغان، رومانیده یاشایان تۆرک و تۆرک-تاتار توپلوملارینی ایکی اؤلکه آراسینداکی دوستلوق کؤرپوسو اولاراق گؤردوکلرینی سؤیلهدی.
جمهورباشقانی اردوغان، رسمی گؤروشمهلر اوچون باشکند آنکارادا اولان رومانی باشباخانی سیولاکو ایله اورتاق مطبوعات توپلانتیسیندا دانیشدی.
اردوغان، رومانی ایله قارشیلیقلی تیجارت حجمینین ایکی ایل اۆست اۆسته ۱۰ میلیارد دلار سویهسینی آشدیغینی، هدفین ۱۵ میلیارد دلارا چاتماق اولدوغونو سؤیلهدی.
رومانی ایله هم ایکیلی سویهده هم ناتوین چتری آلتیندا اورتاق فعالیتلر یئریدرک، بؤلگهنین گۆونلیک و ثابیتلیگینه قاتقی وئردیکلرینی ایفاده ائدن اردوغان، "پکاکا و فئتؤ کیمی ترور هؤرگوتلری ایله موباریزهده رومانیدن گؤزلنتیلریمیزی سایین باشباخان ایله پایلاشدیق" دئدی.
رومانیده یاشایان تۆرک و تۆرک-تاتار توپلوملارینی ایکی اؤلکه آراسینداکی دوستلوق کؤرپوسو اولاراق گؤردوکلرینی دیله گتیرهن اردوغان،
"سویداشلاریمیزین رومانی توپلومو ایله اویوم ایچینده یاشامالاریندان سئوینج دویوروق. بونا ایمکان وئرن روماتیلی کیملیکله سیاحتینی ممکن ائدجک دۆزنلهمهنی حیاتا گئچیردیگیمیزی بو وسیله ایله بیلدیرمک ایستهییرم. بو شکیلده بشری ایلیشکیتلریمیزین آرتاجاغینا اینانیریق" دئیه دانیشدی.
رومانی باشباخانی مارسل سیولاکو ایسه مطبوعات توپلانتیسینداکی دانیشماسیندا، "تۆرکیه، آوروپا بیرلیگی دیشینداکی آنا اقتصادی اورتاغیمیز، ناتوداکی ان اؤنملی متفیقلریمیزدن بیری، استراتژیک بؤلگهسل اورتاق، یاخشی قونشو و دوست اولدوغونو سؤیلهیهبیلیریک" دئدی.
بو آرادا، اردوغان و قوناق باشباخان، مطبوعات توپلانتیسی اؤنجهسینده ائتدیکلری ایکیلی گؤروشمهنین آردیندان، رومانی یوکسک سویهلی استراتژیک امکداشلیق شوراسی بیرینجی ییغینجاغینا قاتیلدی.
داها سونرا، جمهورباشقانی اردوغان و رومانی باشباخانی سیولاکو حضوروندا، ایکی اؤلکه آراسیندا ۶ آنلاشما ایمضالاندی.