اردوغان: حماس بیر دیرنیش هؤرگوتودور
"اؤلکهمده ۱۰۰۰دن چوخ حماس منسوبو معالیجه آلتیندادیر"
جمهورباشقانی رجب طیب اردوغان، حماسین بیر دیرنیش هؤرگوتو اولدوغونو تکرارلایاراق، مین قدر عضوونون تورکیهده معالیجه گؤردوگونو آچیقلادی.
جمهورباشقانی اردوغان و رسمی گؤروشمهلر اوچون دونن باشکند آنکارایا گلن یونانیستان باشباخانی کیریاکوس میچوتاکیس، اورتاق مطبوعات توپلانتسی تشکیل ائتدی.
بورادا سؤز آلان میچوتاکیس،
"تۆرکیه ایله اورتا دوغو قونوسوندا گؤروش آیریلیغی سؤز قونوسو اولماقدادیر. ایسرائیلین غزه بؤلگهسینه گیرمهسی و ترور تشکیلاتی اولاراق قبول ائتدیگیمیز حماسی تۆرکیهنین دییشیک بیر تانیم ایله گؤردوگونو بیلیریک" ایفادهلرینی ایشلهدینجه جمهورباشقانی اردوغان،
"من حماسی ترور هؤرگوتو اولاراق گؤرمورهم" دئدی.
اردوغان سؤزلرینی بئله داوام ائتدیردی:
"حماس ۱۹۴۷دن اعتباراً تورپاقلاری ایشغال ائدیلمیش و تورپاقلارینی قوروما آلتینا آلان بیر مقاومت تشکیلاتیدیر. بو هؤرگوت چوخ تأسف کی ایسرائیلین آجیماسیز (سالدیریلاریندا) ۴۵ مینه چاتان اینسان ایتکیسینه قارشی، اورالاری قوروما موباریزهسی وئرهن بیر مقاومت تشکیلاتی دوروموندادیر. بونو گؤرمهمیز لازیم. حماسا ترور تشکیلاتی دئسک آجیماسیز بیر یاناشیم اولار. من حماسی ترور تشکیلاتی اولاراق گؤرمورهم. /…/. ایندی بورادا ترور تشکیلاتی دئسهنیز کدرلهنریک. اؤلکهمده ۱۰۰۰دن چوخ حماس منسوبو معالیجه آلتیندا. باتی بونلارا هر جور سلاحلا هوجوم ائدیر، بونون قارشیسیندا بو تورپاقلاریندان تجرید ائدیلهن حماسی سیزلر ترور تشکیلاتی دئسهنیز بونا کدرلهنرهم".
ایلگیلیلی خبرلر
هاکان فیدان بو گون ایسپانیا-یا سفر ائدجک
تورکیه-نین خاریجی ایشلر ناظیری هاکان فیدان بو گون ایسپانیایا سفر ائدجک.