نومان کورتولموش اوکراینا‌لی همکاری ایله گؤروشدو
نومان کورتولموش پایتاخت آنکارادا اوکراینا پارلمانی‌نین صدری روسلان استفانچوک ایله گؤروشوب.
تورکیه بؤیوک میللت مجلیسی‌نین صدری نومان کورتولموش روسیا ایله اوکراینا آراسیندا داوام ائدن محاربه‌نین ان قیسا زاماندا سونا چاتماسی‌نین واجیب‌لیگینی وورغولاییب.
نومان کورتولموش پایتاخت آنکارادا اوکراینا پارلمانی‌نین صدری روسلان استفانچوک ایله گؤروشوب.
3-جو ایلینه قدم قویان روسیا-اوکراینا محاربه‌سی‌نین آغیر نتیجه‌لری اولدوغونو ایفاده ائدن نومان کورتولموش دئییب: "تورکیه اولاراق روسیا ایله اوکراینا آراسینداکی محاربه‌نین ان قیسا زاماندا سونا چاتدیریلماسی، داواملی باریشین برقرار اولماسی اوچون ایلک آندان بؤیوک سعی‌لر گؤستریریک".
نومان کورتولموش اوکراینانین اراضی بوتؤو‌لوگونون تامین ائدیلمه‌سی و ایلحاق ائدیلمیش اوکراینا تورپاق‌لاری‌نین ایلکین ایستاتوسونا قایتاریلماسی‌نین ان دوغرو یول اولدوغونو دئییب. تورکیه بؤیوک میللت مجلیس‌نین صدری دئییب:
"یالنیز قیریم-ین ایلحاقی دئییل، اوکراینانین دوغوسونون روسیا طرفیندن قانون‌سوز شکلیده ایلحاق ائدیلمه سینی هئچ بیر شکیلده تانیمادیغیمیزی بوتون پلتفرما‌لاردا ایفاده ائدیریک. استفانچوک ایسه اؤز نؤوبه‌سینده دئییب: "الده اولونا‌جاق باریش عدالت‌لی و داواملی اولما‌لی‌دیر. بیز اؤز باریش فورمولامیزی یاراتمیشیق. بو معنادا باریش ایجلاسی کئچیریله‌جک. اومید ائدیرم کی، جناب پرزیدنت رجب طیب اردوغان باریش ایجلاسینا دعوتیمیزی قبول ائدیب، قاتیلاجاق.
