افس-۲۰۲۴ مانورونو ایلک بؤلومو باشارییلا اجرا ائدیلدی

تۆرک سلاحلی گۆجلرینین ان گئنیش  مانورلاریندان افس-۲۰۲۴ون ایلک بؤلومونو اولوشدوران 'مشترک بیلگی‌سایار دستک‌لی امر یئری' مرحله‌سی، ایستانبول و ایزمیرده باشارییلا ایجرا ائدیلدی.

افس-۲۰۲۴، دوست و متفیق اؤلکه عنصورلارینین دا ایشتیراکییلا، ۲۵ آوریل-۸ می تاریخلری آراسینداکی بیلگی‌سایار دستکلی امر یئری مرحله‌سی ایله باشلادی.

مانورو بیلگی‌سایار دستکلی امر یئری مرحله‌سینه ائو صاحبی تورکیه ایله بیرلیکده ۳۵ اؤلکه قاتیلیر.

مانورون ایلک مرحله‌سینده حاضرلانان ژنریک سناریو باشارییلا تطبیق اولوندو. سایبری سالدیریلارا موداخیله اساسلاری دا تست ائدیلدی.

بو گونه قدر ایجرا ائدیله‌ن ان گئنیش قاتیلیملی افس مانوروندا سیرا، فعلی آتیشلی اراضی مانورو مرحله‌سینده.

افس-۲۰۲۴ مانوریونون فعلی آتیشلی اراضی مرحله‌سی ۹-۳۰ می تاریخلری آراسیندا ایزمیرده‌کی دوغان‌بی آتیش و مانور بؤلگه‌سینده ایجرا ائدیله‌جک.

یئرلی و میللی سلاحلارین یوکسک گۆجو بیر دفعه داها گؤزلر اؤنونه سریله‌جک.

۴۹ اؤلکه‌دن مین ۸۲۸ پرسونلین قاتیلاجاغی مانوردا ساوونما صنایعی سرگیسی ده تشکیل ائدیله‌جک.

افس-۲۰۲۴، گئجه و گوندوز آتیشلارینین ائدیله‌جگی سئچکین گؤزلمچی گونو ایله سونا چاتاجاق.

ان بؤیوک مشترک عسگری مانورلار آراسیندا ایشتیئر آلان افس-۲۰۲۴، تورکیه‌نین ائو صاحیبلیگینده ۲ ایلده بیر تشکیل ائدیلیر.