اردوغان و قطر امیری اورتادوغوداکی وضعیتی موذاکیره ائدیب‌لر

تورکیه پرزیدنتی رجب طیب اردوغان قطر امیری شیخ تمیم بن حمد آل ثانی ایله تلفون دانیشیغی آپاریب.

جمهور باشقانلیغی ایله تیشیم باشقانلیغیندان وئریلن آچیقلامایا گؤره، گؤروشده تورکیه و قطر علاقه‌لری، قلوبال و بولگه‌سل پروبلئم‌لر، ایسراییلین غزه-یه هوجوم‌لاری و اینسانی وضعیت موذاکیره ائدیلیب.

پرزیدنت اردوغان گؤروش زامانی بیلدیریب کی، ایسراییلین غزه زولاغینا وحشیجه‌سینه هوجوم‌لاری‌نین دایاندیریلماسی و تؤرتدیگی اینسانلیغا قارشی جینایت‌لرین جزالاندیریلماسی اوچون ایسلام دونیاسی بیرلیک ایچینده سعی‌لرینی آرتیرما‌لی‌دیر.

جمهور باشقانی اردوغان بیلدیریب کی، بؤلگه‌ده گرگینلیگین یاییلماسی‌نین قارشی‌سینی آلماق اوچون ایسراییلی مومکون قدر تئز جیلوولاماق و ساغلام دوشونجه ایله حرکت ائتمک حیاتی اهمیت کسب ائدیر.

گؤروش زامانی پرزیدنت اردوغان و قطر امیری آل ثانی بیر-بیرلرینی رمضان بایرامی موناسیبتیله تبریک ائدیب‌لر.