فیدان ایله بلینکن ایران-ایسرائیل گرگینلیگینی دانیشدی
فیدان ایله بلینکن، تلفن دانیشماسیندا، ایرانین ایسرائیله قارشی قارشی سالدیریسیندان سونرا بؤلگهدهکی مؤوجود وضعیتی اله آلدی
خاریجی ایشلر باخانی حاکان فیدان، آمریکالی قونومداشی آنتونی بلینکن ایله تلفندا دانیشدی.
دیپلوماتیک قایناقلاردان الده ائدیلهن بیلگییه گؤره، فیدان ایله بلینکن، تلفن دانیشماسیندا، ایرانین ایسرائیله قارشی قارشی سالدیریسیندان سونرا بؤلگهدهکی مؤوجود وضعیتی اله آلدی.
باخان فیدان، آمریکالی قونومداشینا تورکیهنین بؤلگهدهکی بحرانین آرتما و یاییلما احتیمالیندان قایغی دویدوغونو وورغولارکهن، تورکیهنین غزهدهکی بحرانین باشلانغیجیندان بو یانا بونون بیر بؤلگهسل چاتیشمایا چئوریلمه ریسکی داشیدیغینی "دفعهلرله ایفاده ائتمیش اولدوغونا" دقت چکدی.
ایسرائیل-ایران پروبلئمینین تملینده غزهدهکی ساواشین یاتدیغینی ایفاده ائدن فیدان، بلینکنه (بو بؤلگهده) عاجیل اولاراق آتیشکس اعلان ائدیلمهسی و غزهیه "کسینتیسیز اینسانی کؤمک" چاتدیریلماسی لازیم اولدوغونو، عکس حالدا بحرانین بؤیویهرک داوام ائدجگینی خاطیرلاتدی.
فیدان آیریجا، ایسرائیل اوزرینده تأثیری اولان اؤلکهلرین ده گرگینلیگین آرتیریلماماسی اوچون ان دوغرو مئساژلاری وئرمهسی لازیم اولدوغونو ایفاده ائتدی.
آمریکا خاریجی ایشلر باخانلیگی سؤزچوسو متیو میلر ده تلفن دانیشماسینا باغلی وئردیگی یازیلی آچیقلامادا، بلینکنین، فیدانا، تورکیهنین اورتا دوغودا گرگینلیین آزالدیلماسی یولونداکی چابالاری سببی ایله تشکر ائتدیگینی بیلدیردی.
بلینکن، تلفن دانیشماسیندا، اؤلکهسینین ایسرائیلین گوونلیگینه اولان باغلیلیغینی وورغولادی.
آنتونی بلینکن، خاریجی ایشلر باخانی فیدانین یانیندا سعودی عربیستان، مصر، اردن و اینگیلتره خاریجی ایشلر باخانلاری ایله تلفن دانیشمالاریندا ده ایسرائیل-ایران گرگینلیگینی اله آلدی و بؤلگهده گرگینلیگین آرتماسینی ایستهمهدیکلری مئساژینی وئردی.
ایسرائیل، ایرانین دمشقدهکی کونسوللوق بیناسینا ۱ آوریلده هاوا سالدیریسی تشکیل ائتمیش، ایران اینقیلاب گؤزتچیلری اوردوسوندان ۲سی ژنرال روتبهسینده ۷ نفر اؤلموشدو.
ایران، ایسرائیلین کونسوللوق سالدیریسینن اؤلکهسینین تورپاقلارینا سالدیری معناسینی وئردیگینی و قارشیلیق وئرهجکلرینی بیلدیرمیشدی.
ایسرائیل ده ایرانین سالدیریلارینا جاواب وئرجگینی بیلدیرمیشدی.
ایران سیراغا گئجه ایسرائیله یوزلرله کامیکازه اینسانسیز هاوا آراجی، بالیستیک و کروز موشکی ایله سالدیری باشلاتمیش، بعضی عسگری هدفلرین وورولدوغونو آچیقلامیشدی.
ایسرائیل ایسه سالدیریلارین چوخونون هاوا ساوونما سیستملری طرفیندن اؤنلندیگینی آنجاق گونئیدهکی بیر عسگری مرکزه موشک اصابت ائتدیگینی ایفاده ائتمیشدی.