تورکیه یونانیستانا تپکی گؤستردی
"ایلیشکیلریمیزده سون دؤنمده گؤرولهن یومشالمایا باخمایاراق یونانیستانین بو دفعه ده چئوره ایله باغلی خصوصلاری استیثمار ائتدیگی گؤرولمکدهدیر"
تورکیه، یونانیستانین ایکی یئنی دنیز پارکی اعلان ائدجگینی آچیقلاماسینا تپکی وئردی.
خاریجی ایشلر باخانلیغی طرفیندن وئریلهن یازیلی آچیقلامادا، یونانیستان خاریجی ایشلر باخانلیغینین ۱۶-۱۷ آوریلده آتنده تشکیل ائدیلهجک "اقیانوسلاریمیز کونفرانسی" سیراسیندا بیری اژه دنیزینده، دیگری ایون دنیزینده ایکی یئنی دنیز پارکی اعلان ائدجگینی بیلدیردیگینه دقت چکیلهرک بونلار قید ائدیلدی:
"یونانیستانین، اژه پروبلئملری باغلامیندا هاراداسا هر پلتفورمدان ایستیفاده ائتمه چاباسی ایچینده اولدوغو بیلینمکدهدیر. ایلیشکیلریمیزده سون دؤنمده گؤرولهن یومشالمایا باخمایاراق یونانیستانین بو دفعه ده چئوره ایله باغلی خصوصلاری استیثمار ائتدیگی گؤرولمکدهدیر.
اژه پروبلئملرینی و اگمنلیگی اولوسلارآراسی آنلاشمالارلا یونانیستانا تحویل وئریلمهمیش بعضی آدا، آداجیق و قایالیقلارین ایستاتوسونا باغلی خصوصلاری اؤز گوندمی چرچیوهسینده ایستیفاده ائتمهمهسینی یونانیستانا توصیه ائدریک".
آوروپا بیرلیگی داخیل اوچونجو طرفلره، "یونانیستانین چئوره پروگراملارینا دایر سیاسی حملهلرینه" آلت اولماماسی قونوسوندا اویاری وئریلهن آچیقلامادا، اولوسلارآراسی دنیز حقوقونون، قاپالی یا دا یاری قاپالی دنیزلرده ساحیلداش دؤولتلر آراسیندا چئوره مؤوضوغلاری داخیل امکداشلیغی تشویق ائتدیگینی ووغولایاراق، تورکیهنین اژه دنیزینده یونانیستانلا امکداشلیغا هر زامان حاضر اولدوغو وورغولاندی.
"یونانیستانین ایستاتوسو دارتیشمالی جغرافی فورماسیونلار اوزرینده یاراتماسی اولاسی فعلی وضعیتلری قبول ائتمهیهجگیمیزه تکرار دقت چکیریک" ایفادهسینه یئر وئریلهن آچیقلامادا، سؤزو گئدن دنیز پارکلارینین، اژه دنیزینده ایکی اؤلکه آراسینداکی پروبلئملر باغلامیندا حقوقی باخیمان هئچ بیر نتیجه دوغورمایاجاغی ایفاده ائدیلدی.