هاکان فیدان بروکسله سفر ائدیب
ناتو-یا عضو اؤلکهلرین خاریجی ایشلر ناظیرلری 2024-جو ایلین ایلک ایجلاسی ایله علاقهدار 3-4 آوریل تاریخلرینده بلژیک-ین پایتاختی بروکسل-ده بیر آرایا گلهجک.
تورکیه ناتو ایجلاسیندا ترورلا موباریزهنی گوندمه گتیرهجک.
ناتو-یا عضو اؤلکهلرین خاریجی ایشلر ناظیرلری 2024-جو ایلین ایلک ایجلاسی ایله علاقهدار 3-4 آوریل تاریخلرینده بلژیک-ین پایتاختی بروکسل-ده بیر آرایا گلهجک.
ایجلاسدا تورکیه-نی خاریجی ایشلر ناظیری هاکان فیدان تمثیل ائدهجک. هاکان فیدان بو چرچیوهده بو گون بروکسله سفر ائدیب.
ایجلاسدا عمومی چکیندیرمه مسئلهلری، تروریزمله موباریزه و اوکراینادا باش وئرن پروسه لر گوندمه گلهجک.
سوئد و فینلاندیانین ناتو-یا عضولوگوندن سونرا آلیانسین سون وضعیتی و واشینگتن ایجلاسینا حاضیرلیق دا گوندمده اولاجاق.
ناظیر هاکان فیدان ایجلاسدا ناتو-نون ترورا قارشی بیرگه موباریزه آپارماسینین واجیبلیگینی، بونون ناتو-نون وظیفهلریندن بیری اولدوغونو و بعضی ناتو عضولرینین بولوجو ترور تشکیلاتی پ.کا.کا/ی.پ.گ ایله طرفداشلیق موناسیبتی یاراتماسینین قبول ائدیلمز اولدوغونو بیر داها وورغولایاجاق.
هاکان فیدان همچنین ساوونما صنایعسی ساحهسینده متفیقلرین بیر-بیرینه قارشی تحریم لر و محدودیتلر تطبیق ائتمهسینین اتفاقین روحونا ضد اولدوغونو ایفاده ائدهجک و تورکیه-نین آوروپانین ساوونما و تهلوکهسیزلیگینین نئجه افکتیو شکیلده تامین ائدیلهجگی ایله باغلی فیکیرلرینی چاتدیراجاق.
ایجلاس چرچیوهسینده ناظیر هاکان فیدانین بریتانیا، آلمانیا، بولقاریستان و فینلاندیالی همکارلاری ایله ایکی طرفلی گؤروشلری نظرده توتولوب.