یاشار گولر ترور تشکیلاتینا قارشی حیاتا کئچیریلن عملیاتلاری قیمتلندیریب
تورکیه-نین میللی ساوونما ناظیری یاشار گولر اؤلکه داخیلینده و سرحددن کناردا ترور تشکیلاتلارینا قارشی آپاریلان موباریزهدن دانیشیب.
تورکیه-نین میللی ساوونما ناظیری یاشار گولر اؤلکه داخیلینده و سرحددن کناردا ترور تشکیلاتلارینا قارشی آپاریلان موباریزهدن دانیشیب.
ناظیر یاشار گولر دونن کرکلارائلی ینده وئردیگی آچیقلامادا تورکیه سلاحلی قوهلرینین سرحد تهلوکهسیزلیگینی تامین ائتمکله یاناشی، ترورلا موباریزهده ده بؤیوک اوغورلار الده ائتدیگینی وورغولاییب.
"اؤلکه داخیلینده و سرحددن کناردا حیاتا کئچیریلن عملیاتلارلا تشکیلاتا آغیر ضربهلر ائندیریلیب. بو چرچیوهده اؤلکه اراضیسینده تهلوکهسیزلیک و امین-آمانلیق موحیطی یارادیلدی. ترورلا موباریزه ایله یاناشی، سرحدلریمیزین تهلوکهسیزلیگینی گؤرولن ان گوجلو و تأثیرلی تدبیرلرله تامین ائدیریک. ائلهجه ده ماوی وطنیمیزده ده ماراقلاریمیزی مدافعه ائدیریک. بو فعالیتلریمیزله یاناشی بیر چوخ جغرافیادا تهلوکهسیزلیگه، باریشا و ثابتلیگه مهم تحفه لر وئریریک،-یاشار گولر قئید ائدیب.
یئرلی و میللی ساوونما صنایعسی محصوللاری ایله اوردونون ایمکانلارینی داها دا آرتیردیقلارینی ایفاده ائدن یاشار گولر "فیرتینا هویتزرلری، اینسانسیز هاوا آراج لار، سیلاحلی انسانسیز هاوا آراج لاری، تیها، هوجوم هلیکوپترلری، TCG آنادولو گمیسی و هاوا هوجوموندان ساوونما سیستملری کیمی بیر چوخ کریتیک محصوللارین اوردونون اختیارینا وئریلدیگینی دئییب.
یاشار گولر چیخیشیندا همچنین میللی دؤیوش اوچاغی کاآن-نین فوریهنین 21-ده ایلک اوچوشونو اوغورلا حیاتا کئچیردیگینی خاطیرلادیب.
"بئلهلیکله تورکیه دونیادا اؤز دؤیوش اوچاغینی تولید ائده بیلن نادیر اؤلکهلردن بیرینه چئوریلیب. بونونلا نه قدر فخر ائتسک آزدیر،-دئیه یاشار گولر قئید ائدیب.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.