تۆرکیه، غزه‌یه ان چوخ کؤمک چاتدیران ایکینجی اؤلکه اولدو
کؤمکلرین یوزده ۲۷سی بیرلشمیش عرب امرلیکلری، یوزده ۱۹و ایسه تۆرکیه‌دن گؤندریلدی.
تۆرکیه، ایسرائیلین سالدیریلاری آلتینداکی غزه یولاغیندا ان چوخ اینسانی کؤمک چاتدیران ایکینجی اؤلکه اولدو.
ایسرائیل ساوونما باخانلیغینا باغلی بؤلگه‌لرده‌کی حکومت فعالیتلری کووردیناتورلوغونون اینترنت سایتیندا یاییملانان بیلگیلره گؤره، ایسرائیلین مانع تؤرتمه‌لرینین داوام ائتدیگی و گیریشینه چوخ آز میقداردا ایجازه وئردیگی کؤمکلرین یوزده ۲۷سی بیرلشمیش عرب امرلیکلری، یوزده ۱۹و ایسه تۆرکیه‌دن گؤندریلدی. تۆرکیه‌نی یوزده ۱۸ ایله سعودی عربیستان و یوزده ۸ ایله قطر ایزله‌دی.
غزه یولاغینا گیرمه‌سینه ایجازه وئریله‌ن توپلام ۷۴ آمبولانسین ۷سی تۆرکیه طرفیندن باغیشلانارکه‌ن، تۆرکیه، مصر و بیرلشمیش عرب امرلیکلرینین ایش‌بیرلیگینده ۳ مین ۲۰۴ خسته و یارالی، یانلاریندا ۷۲۵ باخیچی ایله اؤلکه دیشیندا معالیجه ائدیلمک اوزره غزه یولاغیندان چیخاریلدی.
تۆرکیه، ایسرائیلین سالدیریلارینین باشلاماسیندان بو یانا مصر ایله ایش بیرلیگی حالیندا غزه‌یه گئنیش اینسانی کؤمک چاتدیرماغا داوام ائدیر.
اؤته یاندان تۆرکیه، ایسرائیلین غزه‌یه قارشی سالدیریلارینین آردیندان ساغلیق خیدمتینه چاتابیلمه‌یه‌ن خسته و یارالیلارا دایر کؤمکلرینی ده داوام ائتدیریر. بو چرچیوه‌ده تۆرکیه، مصر و ایسرائیل ایش بیرلیگینده ایجرا ائدیله‌ن تخلیه ائتمه مدتینده معالیجه‌لرینه داوام ائده‌بیلمه‌یه‌ن خسته و یارالیلار اوچون چوخ ساییدا تخلیه ائتمه عملیاتی گئرچکلشدیردی.
دونیادا چوخ ساییدا اؤلکه مصر تورپاقلاری اوزریندن غزه‌یه چاتدیریلماق اوزره اینسانی کؤمک گؤندردی آنجاق ایسرائیلین مانع تؤرتمه‌لری سببی ایله بو کؤمکلرین چوخ بؤیوک بؤلومو مصرده گؤزله‌مه‌یه داوام ائدیر.
ایسرائیل، مصر سرحدینده‌کی رفح سرحد قاپیسیندان غزه‌یه اینسانی کؤمکلرین گیریشینه ایجازه وئرمه‌سی اوچون ائدیله‌ن اولوسلارآراسی چاغریلاری دا دقته آلمیر.
تل‌آویو رهبرلیگی، اولوسلارآراسی عدالت دیوانینین، گونئی آفریقانین ایسرائیل علیه‌ینده ائتدیگی سوی‌قیریم دعویسینده غزه‌یه اینسانی کؤمکلره ایجازه وئریلمه‌سی قونوسوندا آلدیغی گئچیجی تدبیر قرارینی دا تطبیق ائتمه‌یی رد ائدیر.
ایلگیلی‌لی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-ده‌کی سون وضعیتی موذاکیره ائدیب‌لر.
