بایراکتار تیبی3 یوکسک اوجالیق سیستمینین تانیملاما تست اوچوشونو کئچدی
تیبی3 یوکسک اوجالیقدا آسلسان-ین کتس اوپتیک اوخوجوسونو سیناقدان کئچیردی
تورکیهنین پیلوتسوز اوچوش آپاراتلاری ایستحصالچیسی "بایکار" شیرکتینین حاضرلادیغی "بایراکتار تیبی3" آدلی سلاحلی پیلوتسوز اوچوش آپاراتی نوبتی سیناق اوچوشونو اوغورلا باشا ووروب.
بو دفعه تیبی3 یوکسک اوجالیقدا آسلسان-ین کتس اوپتیک اوخوجوسونو سیناقدان کئچیردی.
سلاحلی پیلوتسوز اوچوش آپاراتی، اورتا و یوکسک اوجالیق سیستمینین تانیملاما تست اوچوشو حیاتا کئچیردی.
سیناق اوچوشونو سوسیال مدیا حسابیندا پایلاشان بایکار تکنولوژی اداره هیئتینین صدری سلچوک بایراکتار ایفادهلرینده:
"تورک هاواجیلیغینین قیزیل چاغی" یازیب.
عینی آندا بیردن چوخ هدفی ایزلیه بیلن سیستم اولان کتس اوپتیک اوخوجوسو حرکت ائدن هدفین ایستقیامتینی و سرعتینی ده معین ائده بیلیر.
هدفین لیزرله اشارهلنمسینی و لیزرله اداره اولونان راکتلرله وورولماسینی تامین ائدن سیستم یوکسک اوجالیقدا چوخ آشاغی درجهلی هاوالاردا ایشلیه بیلیر.
سیستم کانادانین تحریمیندن سونرا عسگری الکترونیک صنایعی (آسلسان) طرفیندن حاضرلانمیشدیر.
بایراکتار تیبی3، قاتلانا بیلن قاناد قورولوشویلا تیسیجی آنادولو کیمی قیسا اوچوش و ائنمه زولاغی گمیلریندن قالخیب ائنمه قابیلییتینه مالیک دونیادا ایلک پیلوتسوز اوچوش آپاراتیدیر.
گؤرمه خطیندن کنار علاقه قابیلییتینه مالیک اولاجاق میللی پیلوتسوز اوچوش آپاراتی، بو شکیلده چوخ اوزاق مصافهلردن اداره اولونا بیلر.
بئله کی، پیلوتسوز اوچوش آپاراتی کشفییات-موشاهیده، ایستخبارات و عقللی دؤیوش مهماتلارییله خاریجدهکی هدفلره قارشی هجوم عملیاتلاری حیاتا کئچیرهرک تورکیهنین چکیندیرمه گوجونو آرتیراجاق.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.