ساوونما ناظیری یاشار گولر حکاری-یه گئدیب

تورکیه-‌نین میللی ساوونما ناظیری عراق-دان سونرا حکاری-یه کئچیب.

تورکیه-‌نین میللی ساوونما ناظیری یاشار گولر عراق سفریندن سونرا حکاری-یه کئچه‌رک یوکسک اووا‌-داکی 3-جو پیاده لشگر قوموتانلیغینا باش چکیب.

ناظیرلیک‌دن وئریلن معلوماتا گؤره، یاشار گولر 14 مارسدا اؤلکه‌نین خاریجی ایشلر ناظیری هاکان فیدان و میللی کشفیات تشکیلاتی‌نین (میت) رهبری ابراهیم کالین ایله عراقا ائتدیگی سفردن سونرا حکاری-یه گئدیب. گئجه‌نی یوکسکووادا کئچیرن ساوونما ناظیری ​​3-جو پیاده لشگر قوموتانلیغیندا فرمانده لرله گؤروشه‌رک عراق-ین قوزئیینده داوام ائدن عملیات‌لارلا باغلی سون وضعیتله ماراقلانیب و گؤروله‌جک ایشلرله علاقه‌دار گؤستریش‌لر وئریب.