بغداددا تورکیه-عراق ترورلا موباریزه زیروهسی کئچیریلهجک
بغداددا کئچیریلهجک تورکیه-عراق تهلوکهسیزلیک زیروه توپلانتیسیندا تهلوکهسیزلیک و حربی امکداشلیق مسئلهلری اؤنجهلیک گوندم مؤوضوعسو اولاجاق
خاریجی ایشلر ناظیری هاکان فیدان، میللی ساوونما ناظیری یاشار گولر و میللی ایستیخبارات تشکیلاتینین باشچیسی ابراهیم قالین ترورلا موباریزده امکداشلیقلا باغلی دانیشیقلار آپارماق اوچون ۱۴ مارتدا عراقین پایتاختی بغدادا گئدجک.
خاریجی ایشلر ناظیرلیگینین سؤزچوسو اؤنجو کئچهلی خاریجی ایشلر ناظیرلیگینده کئچیریلن مطبوعات کنفرانسیندا بیلدیریب کی، ساباح بغداددا کئچیریلهجک تورکیه-عراق تهلوکهسیزلیک زیروه توپلانتیسیندا تهلوکهسیزلیک و حربی امکداشلیق مسئلهلری اؤنجهلیک گوندم مؤوضوعسو اولاجاق.
کئچهلی ترورلا موباریزده "اورتاق آنلاشمانین اینکیشاف ائتدیریلمهسی" و بو ایستیقامتده آتیلاجاق گئرچک آددیملارین دا موذاکیره مؤوضوعسو اولاجاغینا دیققت چکیب. «پککنین هر ایکی اؤلکه اوچون اورتاق تهدید اولاراق تعیین ائدیلدیگی» سون زیروهده وئریلن آچیقلامانی خاطیرلادان اؤنجو کئچهلی، عراق یؤنتیچیلرینین ترور تشکیلاتی پککنی اورتاق تهلوکهسیزلیک تهدیدی اولاراق تعیین ائتمهسینین «عراق طرفینده پککیا قارشی موباریزه اینکیشاف ائتمیه باشلادیغی قطعییتلیلیگین بیر علامتی اولدوغونو» سؤیلدی.
دیگر طرفدن، کئچهلی عراقدا دوغال گاز قایناقلارینین اینکیشاف ائتدیریلمهسی و اولوسلارآراسی بازارلارا داشینماسی اوچون انرژی ایله باغلی موذاکیرهلرین آپاریلاجاغینی بیلدیریب.
عراق-تورکیه نفت کمرینین بیر موددتدیر باغلاندیغینی خاطیرلادان کئچهلی، "بیز کئچن ایلین اوکتبریندا بو بورو کمری ایله داشیمالارین باشلایا بیلهجیینی و بیزیم اوچون هئچ بیر پروبلئم اولمادیغینی دئمیشدیک. بونونلا بئله، عراق طرفینین هلهلیک داشیمالارا باشلاماغا حاضیر اولمادیغینی آنلاییریق" دئدی.
کئچهلی عراقداکی بوتون طرفلرین قارشیلیقلی دیالوگ و آنلاشما چرچیوهسینده راضیلیغا گلهجیینی و بورو کمرینه سئوقییاتین ان قیسا زاماندا باشلایاجاغینا اومید ائتدیکلرینی ایفاده ائدیب.
7-جی تورکیه-آمریکا استراتژی مکآنیزم گؤروشو» چرچیوهسینده آمریکایا سفرینه ده توخونان کئچهلی،
"ترورلا موباریزه ساحهسینده آمریکایا چوخ آچیق مساژیمیز وار ایدی. پکک/یپگ و فتو ایله باغلی گؤزلنتیلریمیزی اونلارا آچیق شکیلده چاتدیردیق. موتتفیق اؤلکهنین ترور تشکیلاتلاری ایله امکداشلیق ائتمهسینین اصلا قبول ائدیلهمز اولدوغونو بیلدیردیک. بو، اؤلکهمیزین تهلوکهسیزلیگینی هدفلییر" دئدی.