ناظیر ماهینور اؤزدمیر گؤکتاش ایسراییله راکسیا گؤستریب
ایسراییل غزه-ده 31 میندن چوخ گوناهسیزی قتله یئتیررکن، تورکیه بو سوی قیریما هر معنادا رئاکسیا وئرمکده داوام ائدیر.
ایسراییل غزه-ده 31 میندن چوخ گوناهسیزی قتله یئتیررکن، تورکیه بو سوی قیریما هر معنادا رئاکسیا وئرمکده داوام ائدیر.
تورکیه-نین عائله و سوسیال خیدمتلر ناظیری ماهینور اؤزدمیر گؤکتاش ایسراییلین سوی قیریمینا بیرلشمیش میللتلر تشکیلاتینین باش قورول سالونوندا اعتراض آکسیاسی رئاکسیا وئریب.
امریکانین نیویورک شهرینده بیرلشمیش میللتلر تشکیلاتینین باش قورول سالونوندا کئچیریلن "قادینلارین ایستاتوسو کمیسیونو" اوتوروموندا چیخیش ائتمک نؤوبهسی ایسراییله چاتدیقدا ناظیر ماهینور اؤزدمیر گؤکتاش و تورکیه نوماینده هئیتی باش عمومی قورول توپلانتی سالونونو ترک ائدیبلر.
ایسراییلین سوسیال برابرلیک و قادین حاقلارینین اینکیشافی ناظیری مای قولانین چیخیشی بیتدیکدن سونرا ناظیر گؤکتاش و تورک هئیتی سالونونا قاییدیب.
اوتورومدا چیخیش ائدن ماهینور اؤزدمیر گؤکتاش تورکیه-نین غزه خالقینا دستکینی تکرارلاییب.
ناظیر گؤکتاش قلوبال چاغیریشلارا توخونارکن، باشدا یوخسوللوق و قورومسال کؤورکلیک اولماقلا اساس سببلر ایله اوزلشمهنین واجیبلیگینی وورغولایاراق دئییب:
"بیز برابرلیک مسئلهسینی موذاکیره ائدرکن، ایسراییلین فیلیسطینلیلره قارشی حرکتلرینین نتیجهسی کیمی داوام ائدن و جدی اینسانی آجیلارا سبب اولان بحرانا گؤز یوما بیلمریک".
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.