باخان گۆلر: ترورو بو یای قالیجی اولاراق حل ائدجییک
"قندیلین بعضی بؤلگهلرینده تروریستلرین اولدوغونو بیلیریک. بیزیم اوچون یئر آدلارینین بیر اؤنمی یوخ. تروریستلر هارادا یووالانیر ایسه تۆرک عسگری لازیم اولانی ائدجک"
میللی ساوونما باخانی یاشار گۆلر، عراق سرحدیندهکی ترورو بو یای قالیجی اولاراق حل ائدجکلرینی سؤیلهندی.
یاشار گۆلر، باشکند آنکارادا ژورنالیستلرین سواللارینی جاوابلادی.
گۆلر، عراق و سوریه سرحدینده ۳۰-۴۰ کیلومتر درینلیگینده گۆونلیک کوریدورو میدانا گتیرمه عزمینین تام اولدوغونو ایفاده ائتدی.
میللی ساوونما باخانی، پنجه کیلید عملیات بؤلگهسینده بؤلوجو ترور هؤرگوتو پکاکایا عاید هر جور سلاح و یاشام لوازیمی ایله دولدورولموش ماغارالارین تک تک "گئری دؤنولمز" حالا گتیریلدیگینی ایفاده ائتدی.
قندیله اولاسی عسگری عملیاتا دا توخونان گۆلر،
"قندیلین بعضی بؤلگهلرینده تروریستلرین اولدوغونو بیلیریک. بیزیم اوچون یئر آدلارینین بیر اؤنمی یوخ. تروریستلر هارادا یووالانیر ایسه تۆرک عسگری لازیم اولانی ائدجک" دئدی.
سون دؤونمده بغداد رهبرلیگی ایله داوام ائتدیریلهن اوست سویه گؤؤوشمهلره ده توخونان باخان گۆلر،
عراقدا قورولاجاق 'اورتاق عملیات مرکزینین' یئنیدن گۆندمده اولدوغونو آچیقلادی.