رجب طیب اردوغان و محمود عباس مطبوعات کنفرانسیندا

پرزیدنت رجب طیب اردوغان "باتی گوجلرینین، نتانیاهو و گؤزلرینی قان توتموش ایداره‌چیلری، باتی گوجلرینین سینیرسیز دستگی ایله، فیلیسطین خالقینا قارشی آچیق بیر سوی‌قیریمی تطبیق ائتمکددیر." دئدی.

اردوغان، جمهور باشقانلیغی کومپلکسینده فیلیسطین پرزیدنتی محمود عباس ایله گؤروشدن سونرا جمهور باشقانلیغی کومپلکسینده بیرگه مطبوعات کنفرانسیندا دانیشدی.

اردوغان، محمود عباسی و نوماینده هیئتینی اؤلکه‌ده قبول ائتمکدن چوخ ممنون اولدوغونو بیلدیریب، تورکیه‌نین و تورک میللتینین همیشه فیلیسطین دعواسینا دستکلدیگینی، فیلیسطینین، اورکلرینده موستثنا بیر یئر اولدوغونو وورغولادی.

اردوغان "مصلهتلشملریمیزده، فیلیسطینده‌کی سون وضعییتله مشغول اولدوق. فیلیسطینلی قارداشلاریمیز تاریخلرینین ان چتین دؤورلریندن بیرینی یاشاییرلار. ایسرائیلین اکتبرین 7-دن اعتیبارن غزه و رام‌الله‌دا گوناهسیز اینسانلارا قارشی حیاتا کئچیردیگی هوجوملار نتیجه‌سینده 32 مینه یاخین فیلیسطینلی شهید اولوب، 72 میندن چوخ اینسان یارالانیب، 2 میلیونا یاخین فیلیسطینلی ائولرینی ترک ائتمک مجبورییتینده قالیب. 2.3 میلیون فیلیسطینلی گونده‌لیک اساس احتیاجلارینا الی چاتمیر. ایسرائیل غزه خالقینی تکجه آجلیق و سوسوزلوقدان دئییل، هم ده گوناهسیز اینسانلارین اوزرینه بومبالار آتماقلا وحشیجه‌سینه قتله یئتیریر. دوز 151 گوندور کی، سون عصرین ان بؤیوک باربارلیقلاریندان بیرینه شاهید اولوروق. نتانیاهو و گؤزلرینی قان توتموش ایداره‌چیلری باتی گوجلرینین سینیرسیز دستگی ایله فیلیسطین خالقینا قارشی آچیق سویقیریم تؤردیر." دئدی.

تورکیه‌نین موختلیف خستخانالاریندا تخمینن 1000 یارالینین معالیجه‌سینین داوام ائتدیگینه ایشاره ائدن اردوغان، "نتانیاهو و جینایت اورتاقلاری شوبهه‌سیز کی حقوق و ویجدانین قارشیسیندا تؤکدوکلری هر داملا قانین حسابینی وئره‌جکلر." شکلینده دانیشدی.

قوناق پرزیدنت عباس، "تورکیه، فیلیسطین خالقینا قارشی قارداشلیق اساسیندا تاریخی مسولییتی ایله ان یاخشی شکیلده بوتون مسولییتینی یئرینه یئتیریر. (تورکیه‌نین) فیلیسطین دعواسینا داواملی دستگی اوچون تشکور ائدیریک" دئدی.