اردوغان: موباریزهنی داوام ائتدیرهجییک
"تورکیه، دیپلوماسیسی ایله، اقتصادییلا، عسگری گوجو ایله، اجتماعی قورولوشویلا دونیانین ان بؤیوک اؤلکهلری آراسینداکی یئرینی آلانا قدر موباریزهنی داوام ائتدیرهجییک"
جمهورباشقانی رجب طیب اردوغان، تورکیهنی، دیپلوماسیسی ایله، اقتصادییلا، عسگری گوجو ایله، اجتماعی قورولوشویلا دونیانین ان بؤیوک اؤلکهلری آراسینداکی یئرینی آلانا قدر موباریزهنی داوام ائتدیرهجکلرینی سؤیلهدی.
جمهورباشقانی و عدالت و قالخینما پارتیسی (آک پارتی) باشقانی اردوغان، پارتیسینین مالاتیا میتینگینده خالقا سسلهندی.
اردوغان، ۶ فوریه زلزلهلرینده مالاتیادا و دیگر شهرلرده حیاتینی ایتیرهن ۵۳ مین وطنداشی بیر دفعه داها رحمتله یاد ائتدی.
سۆرهج ایچینده مینلرجه حاق صاحبینه ائولرینی تحویل وئردیکلرینی وورغولایان اردوغان، یئنی ائو تیکیم ایشلرینین سرعتله داوام ائتدیگینی ایفاده ائتدی.
اردوغان مقصدلرینین اؤنوموزدهکی ایلین اورتاسینا قدر زلزله بؤلگهسیندهکی بوتون حاق صاحبلرینی ایئولرینه و تیجاری بینالارینا قوووشدورماق اولدوغونو سؤیلهدی.
بونونلا کیفایتلهنمهییب، دئپرمدن ضرر گؤرونلره شهرلری گلهجهیه حاضرلایاجاق فرقلی تولید/اۆرهتیم تاسیسلرینی حیاتا گئچیردیکلرینی وورغولایان اردوغان،
"بو آنلاییشلا ساوونما صنایعی سرمایهلرینی زلزله بؤلگهسی شهرلریمیزده متمرکز ائدهجک بیر اسکان و استخدام پرویژهسی باشلاتدیق" دئدی.
جمهورباشقانی، بئله داوام ائتدی:
"عینی ایله یاشادیغیمیز دیگر سینامالار کیمی زلزلهنین ده بیزی هدفلریمیزدن قوپارماسینا ایجازه وئرمهیهجییک. تورکیه، دیپلوماسیسی ایله، اقتصادییلا، عسگری گوجو ایله، اجتماعی قورولوشویلا دونیانین ان بؤیوک اؤلکهلری آراسینداکی یئرینی آلانا قدر موباریزهنی داوام ائتدیرهجییک".
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.