اردوغان: ساواشین بئله بیر اخلاقی واردیر
"غزه‌ده یاشانانلار کسینلیکله بیر ساواش دئییل، بیر سوی‌قیریم گیریشیمیدیر. چونکو ساواشین بئله اویولماسی لازیم اولان بیر اخلاقی، ادبی و حقوقو واردیر"
جمهورباشقانی رجب طیب اردوغان، غزه‌ده یاشانانلارین کسینلیکله بیر ساواش دئییل، بیر سوی‌قیریم گیریشیمی اولدوغونو سؤیله‌دی.
۳.جو آنتالیا دیپلوماسی فوروموندا ایشتیراکچیلارا خیطاب ائد‌ن جمهورباشقانی اردوغان، ایسرائیلین ۷ اکتبردان بو یانا غزه‌یه تشکیل ائتدیگی سالدیریلارا توخوندو.
غزه‌ده یالنیز اوشاق، قادین و وطنداشلارین جانیجه قتل ائدیلمه‌دیگینی، عینی زاماندا میلیاردلارجا اینسانین اولوسلارآراسی سیستمه، عدالته و حقوقا اینانجینین دا یوخ ائدیلدیگینه دقت چکه‌ن اردوغان،
"غزه‌ده یاشانانلار کسینلیکله بیر ساواش دئییل، بیر سوی‌قیریم گیریشیمیدیر. چونکو ساواشین بئله اویولماسی لازیم اولان بیر اخلاقی، ادبی و حقوقو واردیر" دئدی.
اولوسلارآراسی عدالت دیوانینین ایسرائیلین سوی‌قیریمی اؤنله‌مه‌سی یولوندا آلدیغی احتیاط تدبیر قراری آچیق آیدین اورتادا ایکن، بنیامین نتانیاهو رهبرلیگینین ایشغال، ییخیم و قیرغین سیاستلرینی چکینمه‌دن داوام ائتدیره‌بیلدیگینی وورغولایان اردوغان،
"ایسرائیله ایلک گوندن بری شرطسیز دستک وئره‌ن باتیلی گوجلر ایسه ایکی اۆزلو سیاستلری ایله تؤکوله‌ن قانا اورتاق اولور. سؤزلر حرکتله دستکلنیلمه‌دیکجه، نه فیلیسطینده‌کی ظلمو داوردورماق، نه ده اولوسلارآراسی سیستمه گۆونی یئنیدن تاسیس ائتمک مومکوندور. اولوسلارآراسی توپلوم، فیلیسطین خالقینا اولان بورجونو آنجاق فیلیسطین دؤولتینین قورولماسییلا اؤد‌یه‌بیلر. بونون اوچون ۱۹۶۷ سرحدلری تملینده باشکندی دوغو قدس اولان، موستقیل، اگمن و جغرافی بۆتونلوگه صاحب فیلیسطین دؤولتینین قورولوشو شرطدیر. بو مقصدله، ضامینلیگی ده احتیوا ائد‌جک شکیلده مسئولیت آلماغا حاضر اولدوغوموزو ایفاده ائتدیک" دئیه دانیشدی.
جمهورباشقانی اردوغان، بیر دفعه داها اولوسلارآراسی توپلومو، غزه‌یه و فیلیسطین دعویسینه صمیمیتله صاحب چیخماغا دعوت ائتدی.
