اردوغان:"تورکیه اوکراینانین موستقیللیگی، اگمنلیگی و اراضی بوتؤولوگونو دستکلییر"
"تورکیه اوکراینادا باریشین برقرار اولماسی اوچون ایستانبول دانیشیقلار ماساسینی یئنیدن تاسیس ائتمهیه حاضیردیر".
"تورکیه اوکراینادا باریشین برقرار اولماسی اوچون ایستانبول دانیشیقلار ماساسینی یئنیدن تاسیس ائتمهیه حاضیردیر".
بو بارهده جمهور باشقانی رجب طیب اردوغان اوکراینا- گونئی-دوغو آوروپا ایجلاسینا عنوانلادیغی ویدئومراجیتینده دئییب.
دؤولت باشچیسی تورکیه-نین اوکراینانین موستقیللیگی، اگمنلیگی و اراضی بوتؤولوگونو دستکلدیگینی قئید ائدیب. اونون سؤزلرینه گؤره، محاربنی عدالتلی شکیلده بیتیرمک اوچون دیالوق و دیپلماسییه یئنی شانس وئریلمهلیدیر: "بو مقصده چاتماق اوچون بوتون دیپلوماتیک کاناللاردان ان یوکسک سویهده ایستیفاده ائتمک بؤیوک اهمیت کسب ائدیر. حساب ائدیرم کی، هئچ اولماسا باریشین عمومی پارامترلرینی معین ائتمک اوچون بیرگه سعیلره باشلاماق لازیمدیر. بو باخیمدان بیز اوکراینا پرزیدنتی ولودیمیر زلنسکینین 10 بندلیک باریش پلانینی پرینسیپجه دستکلییریک".
"بیز همچنین تورکیه اوکراینادا باریش برقرار اولماسی اوچون ایستانبول دانیشیقلار ماساسینی یئنیدن تاسیس ائتمهیه حاضیردیر. بو موناسیبتله گونئی-دوغو آوروپا اؤلکهلرینین امکداشلیق پروسهسی ایله اورتاق جوغرافیامیز اولان بالکانلاردا جانلانان هم رایلیک روحونون یاخین جوغرافیامیزا دا یاییلاجاغینی اومید ائدیرم"، -دئیه دؤولت باشچیسی اردوغان قئید ائدیب.
اردوغان ایجلاسین تشکیلینده امگی اولانلاری، خصوصیله ده ایجلاسا ائو صاحیبلیگی ائدن آلبانیانین باش ناظیری ادی رامانی اورکدن تبریک ائدیب.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.