اردوغان: دؤولت میللت اولاراق داها چوخ چالیشاجاغیق
جمهورباشقانی اردوغان، تۆرکیهنین اؤنونه هانسی چتینلیک چیخارسا چیخسین اؤلکهنی دموکراسی و قالخینما یولوندان چیخارمادان هدفلرینه دوغرو ایرلیلتمهنی باجاردیقلارینی سؤیلهدی
جمهورباشقانی رجب طیب اردوغان، تۆرکیه عصری گؤرونومو/ویزیونو اطرافیندا بیرلشیب یوللارینا داوام ائدجکلرینی سؤیلهدی.
جمهورباشقانی و عدالت و قالخینما پارتیسی (آک پارتی) باشقانی اردوغان، یئرلی سئچیم میتینگلری چرچیوهسینده کوتاهیا شهرینده خالقا خیطاب ائتدی.
اردوغان، تۆرکیهنین اؤنونه هانسی چتینلیک چیخارسا چیخسین اؤلکهنی دموکراسی و قالخینما یولوندان چیخارمادان هدفلرینه دوغرو ایرلیلتمهنی باجاردیقلارینی سؤیلهدی.
میللی بیرلیگه قارشی سالدیریلاری آرادان قالدیردیقلارینی وورغولایان اردوغان، ترورلا موباریزهده بونو گؤستردیکلرینی ایفاده ائتدی.
۶ فوریه زلزلهلرینین اقتصادا خرجینین ۱۰۴ میلیارد دلار اولدوغونو، اقتصادی معادلهلری یئنیدن یئرینه اوتورتماق اوچون گوجلو بیر پروگرام تطبیق ائتدیکلرینی ایفاده ائدن اردوغان، بو ایل سونوندان اعتباراً پروگرامین مثبت نتیجهلرینی گؤرمهیه باشلایاجاقلارینی سؤیلهدی.
اردوغان، آرزو ائتدیکلری سویهیه گلمک اوچون دؤولت میللت اولاراق داها چوخ چالیشاجاقلارینی ایفاده ائتدی.
تۆرکیهنین سون ۲۱ ایلینین اوندان اؤنجهکی دؤنملریندن چوخ چوخ یاخشی اولدوغونو ایفاده ائدن جمهورباشقانی، یارینلارین دا بو گوندن داها یاخشی اولاجاغینی ایفاده ائتدی.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.