تورکیه ایله سومالی آنلاشما ایمضالادی
"سومالی ایله تورکیه آراسیندا تصدیقلنمیش ساوونما و اقتصادی امکداشلیق آنلاشماسینی ایمضالادیم. بو تاریخی آنلاشما، خالقیمیزین گۆونلی و مرفه بیر گلهجهیه دوغرو یولوچولوغوندا یئنی بیر صحیفهیه ایشاره ائدیر"
سومالی جمهورباشقانی حسن شیخ محمود، تورکیه ایله اؤلکهسی آراسینداکی ساوونما و اقتصادی امکداشلیق چرچیوه آنلاشماسینی ایمضالادیغینی بیلدیردی.
جمهورباشقانی محمود، ایکس سوسیال مئدیا حسابیندان، سؤزو گئدن آنلاشمایلا باغلی آچیقلامالار وئردی.
محمود، "سومالی ایله تورکیه آراسیندا تصدیقلنمیش ساوونما و اقتصادی امکداشلیق آنلاشماسینی ایمضالادیم. بو تاریخی آنلاشما، خالقیمیزین گۆونلی و مرفه بیر گلهجهیه دوغرو یولوچولوغوندا یئنی بیر صحیفهیه ایشاره ائدیر" ایفادهسینی ایشلتدی.
آنلاشمانین، هر جور یاسادیشی فعالیتله موباریزه قونوسوندا اورتاق بیر عزمی بونیهسینده ساخلادیغینی و سومالینین دنیز گۆونلیگی اوچون لازیم اولدوغونو وورغولایان محمود، "قارداش تورکیهیه، بؤلگهدهکی باریش، ثابتلیک و رفاهین تامین ائدیلمهسینه یؤنهلیک سارسیلماز و زامانیندا دستک و باغلیلیقلاریندان اؤترو درین تشکرلریمیزی سونوروق" شکلیندهکی فیکیرینی پایلاشدی.
تورکیه ایله سومالی آراسیندا ۸ فوریهده ساوونما و گۆونلیک قونولارینی دا احتیوا ائدن ساوونما و اقتصادی امکداشلیق چرچیوه آنلاشماسی ایمضالانمیشدی.
اقتصادی و سیاسی پروبلئملرین یاشاندیغی سومالیده، ترور هؤرگوتو الشباب، ایللردیر گۆونلیک پروبلئمی اولوشدورماغا داوام ائدیر.
ایلگیلیلی خبرلر
پکاکالی ۵ تروریست ضررسیزلشدیریلدی
"ان سون تروریست ضررسیز حالا گتیریلنه قدر عملیاتلاریمیز داوام ائدجک"