سومالی تورکیه ایله ایمضالانان امکداشلیق موقاویلهسینی تصدیقلهییب
سومالی تورکیه ایله ساوونما ساحهسینده ایمضالانان امکداشلیق موقاویلهسینی تصدیقلهییب.
سومالی ناظیرلر کابینهسی تورکیه ایله ساوونما ساحهسینده ایمضالانان امکداشلیق سازیشینی تصدیقلهییب.
سومالینین اینفورماسیون ناظیری داود آویس "ایکس" سوسیال مئدیا حسابیندا اؤلکهسینین تورکیه ایله ساوونما ساحهسینده امکداشلیق موقاویلهسی ایله باغلی پایلاشیم ائدیب.
ایکی اؤلکه آراسینداکی راضیلاشمانین چوخ اهمیتلی بیر آددیم اولدوغونا دقت چکن آویس دئییب:
"ناظیرلر کابینهسی ناتو عضوو و سومالینین یاخین متفیقی تورکیه ایله ایمضالانمیش ساوونما ساحهسینده امکداشلیق سازیشینی تصدیقلهییب. بو علامتدار 10 ایللیک موقاویله سومالی حکومتینین اگمنلیگینی قوروماق سعیلرینی اهمیتلی درجهده گوجلندیرهجک".
قئید ائدک کی، فوریهنین 8-ده تورکیه ایله سومالی آراسیندا ساوونما و تهلوکهسیزلیک مسئلهلرینی ده احاته ائدن ساوونما و اقتصادی امکداشلیق چرچیوه سازیشی ایمضالانیب.
اقتصادی و سیاسی پروبلئملرین یاشاندیغی سومالی-ده ترور تشکیلاتی الشباب ایللردیر تهلوکهسیزلیک پروبلئمی یاراتماغا داوام ائدیر.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.