اردوغان: تۆرکیه، 'تروریستان' قورولماسینا ایجازه وئرمه‌یه‌جک
"ترور تشکیلاتی منسوبلارینی هارادا تاپساق اورادا باشلارینی ازمه‌گه، بو آماجلا اولوشدورولان آلت یاپیلاری یوخ ائتمه‌گه داوام ائده‌جییک"
جمهورباشقانی رجب طیب اردوغان، تۆرکیه‌نین، نه باهاسینا اولورسا اولسون، گونئی سرحدلرینده "تروریستان" قورولماسینا ایجازه وئرمه‌یه‌جگینی بیلدیردی.
اردوغان، جمهورباشقانلیغی سارایینداکی کابینه ییغینجاغینین آردیندان وئردیگی آچیقلامادا، اقتصاد، تحصیل، ترورلا موباریزه و خاریجی سیاست باشدا اولماق اۆزره، بیر چوخ حساس قونونو آیرینتیلی شکیلده اله آلدیقلارینی سؤیله‌دی.
سرحد اؤته‌سی عملیاتلاری گئنیش بیر شکیلده دگرلندیردیکلرینی بیلدیره‌ن اردوغان، تۆرکیه‌نین "ترورو قایناغیندا یوخ ائتمه" استراتژیسی ایله بؤلوجو ترور هؤرگوتونو دار بیر ساحه‌یه حبس ائتدیگینی ایفاده ائتدی.
بؤلوجو هؤرگوتون عؤمورونو اوزادان آنا فاکتورون، کیمی متفیقلر ایله قوزئی عراق‌داکی بعضی یاپیلارین تروریستلره وئردیگی دستکلر اولدوغونون وورغولایان اردوغان،
"تۆرکیه البته عراقین تورپاق بوتونلوگونه و اگمنلیگینه سایغیلیدیر. عراقین ترورا قارشی وئردیگی موباریزه‌نی بۆتون صمیمیتیمیزله دستکله‌ییریک. عراقلی قارداشلاریمیزدان دا حاقلی گؤزلنتیمیز،عراق تورپاقلارینین اؤلکه‌میزه قارشی ترور ائیلملرینده بیر مرکز اولاراق ایستیفاده ائدیلمه‌سینه ایجازه وئرمه‌مه‌لریدیر" دئیه دانیشدی.
ترورون یوخ ائدیلمه‌سینین، عراقلا حیاتا گئچیریلمه‌سی پلانلانان قالخینما یولو پروژه‌سی اوچون ده اؤنملی اولدوغونو وورغولایان جمهورباشقانی،
"تۆرکیه، نه باهاسینا اولورسا اولسون گونئی سرحدلرینده بیر 'تروریستان' قورولماسینا ایجازه وئرمه‌یه‌جک. ترور تشکیلاتی منسوبلارینی هارادا تاپساق اورادا باشلارینی ازمه‌گه، بو آماجلا اولوشدورولان آلت یاپیلاری یوخ ائتمه‌گه داوام ائده‌جییک" ایفاده‌لرینی ایشلتدی.
ایلگیلی‌لی خبرلر
پ‌کاکا‌لی ۴ تروریست تاثیرسیز حالا گتیریلدی
"تروریستلر اوچون قاچاجاق یئر یوخ، هئچ بیر یئر اونلار اوچون اعتبارلی دئییل"
۴ تروریست تاثیرسیز حالا گتیریلدی
بیت الشباپ چؤلونده بؤلوجو ترور تشکیلاتی منسوبو تروریستلرله ایستی تماس تامین ائدیلدی
