تورکیه ایله قطر آراسیندا پروتوکول ایمضالانیب
تورکیه ایله قطر آراسیندا اقتصادیات و تیجارت بیرگه کمیسیونو (JETCO) پروتوکولو ایمضالانیب.
![تورکیه ایله قطر آراسیندا پروتوکول ایمضالانیب](http://cdn.trt.net.tr/images/xlarge/rectangle/ad0a/0c27/714a/65c5c98503055.jpg?time=1722044670)
تورکیه ایله قطر آراسیندا اقتصادیات و تیجارت بیرگه کمیسیونو (JETCO) پروتوکولو ایمضالانیب.
تورکیه-قطر 1-جی دؤور JETCO توپلانتیسی دونن ایستانبولدا تیجارت ناظیری عمر بولات، قطرین تیجارت و صنایع ناظیری شیخ محمد بن حامد بن قاسم آل ثانی و ایکی اؤلکه رسمیلرینین ایشتیراکی ایله کئچیریلیب.
ایمضالانان پروتوکولون بیر چوخ فرقلی ساحهلره دایر یاپیجی موذاکیرهلرین و راضیلاشمالارین نتیجهسی اولدوغونو بیلدیرن عمر بولات دئییب:
"قطرین اؤلکهمیزده یاتیریم ایمکانلارینی دگرلندیردیگینی گؤرمکدن ممنونوق. بیر داها بیلدیرمک ایستییرم کی، اؤلکهمیزده داها چوخ قطر سرمایهسی گؤرمک ایستییریک".
ناظیر عمر بولات چیخیشیندا قطرین کؤرفز بؤلگهسینده تورکیه-نین ان مهم تیجارت طرفداشلاریندان بیری اولدوغونو، حکومتلرین و سیاسی لیدرلرین سعیلری ایله ایکی طرفلی علاقهلرده یئنی بیر سرعت قازاندیغینی، ایکی اؤلکهنین ایستراتژی طرفداش اولاراق علاقهلرینی داوام ائتدیردیکلرینی قئید ائدیب.
ناظیر تورکیه-قطر 1-جی دؤور JETCO توپلانتیسی موناسیبتیله ایکی طرفلی سیاسی علاقهلرده الده ائدیلن مثبت ایستیقامتین اقتصادی و تیجاری علاقهلره ده عکس اولوناجاغینا ایناندیقلارینی بیلدیریب.