امیرعبداللهیان، رئیسینین تورکیه سفرینی دگرلندیردی
"سایین جمهورباشقانیمیزین تورکیه‌یه ائتدیگی رسمی سفر و نتیجه‌لری، ایکی اؤلکه آراسیندا و بؤلگه‌سل امکداشلیغیندا یئنی بیر صحیفه‌نین باشلانغیجیدیر"
ایران خاریجی ایشلر باخانی حسین امیرعبداللهیان، جمهورباشقانی ابراهیم رئیسینین آنکارا سفرینین و نتیجه‌لرینین، تورکیه ایله اؤلکه‌سی آراسیندا و بؤلگه‌سل امکداشلیق ساحه‌سینده "یئنی بیر صحیفه‌نین باشلانغیجی" اولدوغونو ایفاده ائتدی.
امیرعبداللهیان، ایکس سوسیال مئدیا پلتفورموندان پایلاشدیغی مئساژیندا، ایران جمهورباشقانی رئیسینین جمهورباشقانی رجب طیب اردوغانین رسمی دعوتی اوزرینه سیراغا گون باشکند آنکارایا ائتدیگی سفری دگرلندیردی.
ایرانلی باخان، ایکی اؤلکه لیدئرلری آراسینداکی گؤروشمه‌لرده، تیجارت، سرمایه، اقتصاد، مدنیت، توریزم، سرحد گۆونلیگی و ترورلا موباریزه داخیل بیر چوخ آنلاشمایا ایمضا آتیلدیغینا ایشاره ائدرک، بو ایفاده‌لری ایشلتدی.
"سایین جمهورباشقانیمیزین تورکیه‌یه ائتدیگی رسمی سفر و نتیجه‌لری، ایکی اؤلکه آراسیندا و بؤلگه‌سل امکداشلیغیندا یئنی بیر صحیفه‌نین باشلانغیجیدیر".
ایران جمهورباشقانی ابراهیم رئیسی، سیراغا گون تورکیه‌یه رسمی سفر ائدرک جمهورباشقانی اردوغان ایله حمهورباشقانلیغیندا بیر آرایا گلمیشدی.
سفر چرچیوه‌سینده ایکی اؤلکه هیئتلرینین ده قاتیلیمییلا گئرچکلشدیریلن تورکیه-ایران یوکسک سویه‌لی امکداشلیق شوراسی ۸.جی ییغینجاغینین آردیندان لیدئرلرین حضوروندا ایکی اؤلکه آراسیندا موختلیف ساحه‌لرده ۱۰ آنلاشما ایمضالانمیشدی.
ایلگیلی‌لی خبرلر
پ‌کاکا‌لی ۵ تروریست ضررسیزلشدیریلدی
"ان سون تروریست ضررسیز حالا گتیریلنه قدر عملیاتلاریمیز داوام ائد‌جک"
