سون بیر هفته‌ده 82 ترورچو ضررسیزلشدیریلیب

سون بیر هفته‌ده عراق و سوریه-نین قوزئیینده بولوجو ترور تشکیلاتی پ.کا.کا-یا منسوب 82 ترورچو ضررسیزلشدیریلیب.

تورکیه میللی ساوونما ناظیرلیگی ترورلا موباریزه ایله باغلی سون معلوماتی پایلاشیب.

آچیقلامادا بولوجو ترور تشکیلاتی پ.کا.کا-نین پارچالانماسی‌نین داوام ائتدیگی بیلدیریلیب:

"سون بیر هفته‌ده 82 ترورچو ضررسیزلشدیریلیب، 2023-جو ایل ژانویه‌نین 1-دن اعتباراً ضررسیزلشدیریلن ترورچولارین سایی 2478-ا چاتیب".

آچیقلامادا بیلدیریلیب کی، اوچ پ.کا.کا ترورچوسو ایسه بو هفته هابور سرحد-کئچید منطقه‌سینه تسلیم اولوب.

ترورچولارین یگانه چیخیش یولو تورکیه عدالتینه تسلیم اولماق‌دیر.

ناظیرلیک منبع‌لری امریکا پرزیدنتی جو بایدن‌ین اف-16 قیریجی‌لاری‌نین تورکیه-یه ساتیشینی تصدیقلمک اوچون کنگره‌یه یازدیغی توصیه مکتوبونو دا دگرلندیریب.

منبع‌لر اینکیشافین مثبت قیمتلندیریلدیگینی، لاکین اساس واجیب اولانین رسمی پروسه‌نین باشلانماسی اولدوغونو قئید ائدیب.