اردوغان: تۆرکیه، سوروملولوق آلماغا حاضردیر
"بوتون باربارلیغینا باخمایاراق غزه‌لیلرین مقاومت عزمینی قیرابیلمه‌یه‌ن ایسرائیل مئدیاداکی تبلیغات ساواشیندا دا اودوزماقدا‌دیر"
جمهورباشقانی رجب طیب اردوغان،
"تۆرکیه، داها چوخ قان آخماماسی، ییخیم یاشانماماسی، گؤزیاشی تؤکولمه‌مه‌سی اوچون سوروملولوق آلماغا حاضردیر" دئدی.
جمهورباشقانی اردوغان، "ت‌رت وورلد فوروم ۲۰۲۳" ده دانیشدی.
جمهورباشقانی اردوغان، اورتا دوغودا ۷ اکتبردان بو یانا داوام ائد‌ن چاتیشمالارا باغلی،
"تۆرکیه، داها چوخ قان آخماماسی، ییخیم یاشانماماسی، گؤزیاشی تؤکولمه‌مه‌سی اوچون سوروملولوق آلماغا حاضردیر. کۆره‌سل باریشی و گۆونلیگی تامین ائتمکله مۆکلف اولوسلارآراسی قورولوشلارین پروبلئم حل ائتمه قابیلیتلرینین اولمادیغینی بو گون داها یاخشی آنلاییریق" دئدی.
اردوغان،
"قالیجی باریشی تاسیسده ایتیریله‌ن هر گۆنون هر آنین بدلینی اودا بنزین تؤکه‌ن باتیلیلار دئییل تأسف کی، گۆناهسیزلار اؤد‌مکده‌دیر" دئیه علاوه ائتدی.
"غزه‌ده ۷۰ی آشان مئدیا منسوبو اؤلدو. هارادا دۆنیا، دۆنیانین او مشهور مطبوعات یایین اورگانلاری هارادا؟ نیه سسلری چیخمیر؟ قلوبال مئدیا کارتللری، غزه‌ده‌کی دهشتی گؤزلردن قاچیرماغا، حماس بهانه‌سی ایله ژورنالیست قیرغینینی مشروعلاشدیرماغا چالیشماقدادیر" دئیه‌ن جمهورباشقانی،
"بو آندا بیزیم آنادولو آژانسیندان شهیدیمیز وار. بورادا گؤرولدوگو کیمی یارالی، غازی کامئرامیز وار. هارادا؟ غزه‌ده؟ هر گون بیر ژورنالیست قتل ائدیلیر آنجاق بیزه ایللردیر مطبوعات آزادلیغیندان دم ووران قورولوشلارین هئچ بیرینین سسی بئله چیخمیر" ایفاده‌لرینی ایشلتدی.
اردوغان،
"بوتون باربارلیغینا باخمایاراق غزه‌لیلرین مقاومت عزمینی قیرابیلمه‌یه‌ن ایسرائیل مئدیاداکی تبلیغات ساواشیندا دا اودوزماقدا‌دیر. هر جور ریسکی گؤزه آلاراق غزه‌دن دۆنیایا حیاتی بیر ارتباط کوریدورو آچان ت‌رت‌میزی، آنادولو آژانسیمیزی و دیگر مطبوعات قورولوشلاریمیزی تبریک ائدیره‌م. ت‌رت باتیق سسلری ائشیتدیرمه و حادثه‌لری چوخ اؤلچولو کؤچورمه وظیفه‌سینی حاقییلا ایفا ائتمکده‌دیر" دئدی.
جمهورباشقانی اردوغان،
"(نتانیاهو و دستکچیلری) بونلار ترورون حمایه‌چیسی اولاراق تروریستدیر و لاهه عدالت دیوانیندا کسینلیکله محاکیمه اولوناجاقلار" دئیه دانیشدی.
اردوغان،
"ایسرائیلین ظالیملیگینین اؤنونه گئچه‌بیلمه‌سک دۆنیانین هئچ بیر یئرینده هئچ کیم اؤزونو گۆونده حس ائده‌بیلمز. چونکو بیر دفعه پاندورانین قوتوسو آچیلدی" دئدی
