تورکیه، غزهده ائدیلن خستهخانا سالدیریسینی قینادی
"ایسرائیلین غزه تورک-فیلیسطین دوستلوق خستهخاناسینا ائتدیگی سالدیرینی ان شدتلی شکیلده قیناییریق"
تورکیه، غزه تورک-فیلیسطین دوستلوق خستهخاناسینا ائدیلهن سالدیرینی ان شدتلی شکیلده قینادیغینی بیلدیردی.
خاریجی باخانلیغیندان وئریلن یازیلی آچیقلامادا،
"ایسرائیلین غزه تورک-فیلیسطین دوستلوق خستهخاناسینا ائتدیگی سالدیرینی ان شدتلی شکیلده قیناییریق. غزهدهکی تک سرطان خستهخاناسی اولان، سؤزو گئدن قورومون یئر بیلگیلری داخیل، لازیم اولان هر جور بیلگی ایسرائیل مقاملاری ایله اؤنجهدن پایلاشیلمیش اولماسینا قارشی بئله بیر سالدیرینین گئرجکلشدیریلمهسینین هئچ بیر ایضاحی اولا بیلمز" ایفادهسی ایشلهدیلدی.
"غزهدهکی فیلیسطین خالقینی ان ایلکین حاقلاریندان یوخسون بوراخماغی آماجلایان محاصیره و بو اینسانلیق دیشی سالدیریلار، اولوسلارآراسی حقوقو آچیقجا پوزماقدادیر" دگرلندیرمهسی وئریلن آچیقلامادا، ایسرائیلین غزه ساکینلرینی هئچ بیر آیرییمچیلیق گودمهدن بوتونلوکله هدف آلماقدان وازگئمهسی لازیم اولدوغو ایفاده ائدیلدی.
غزه یولاغیندا سرطان خستهلرینین معالیجه گؤردوگو تک خستهخانا اؤزللیگی داشییان تورک-فیلیسطین دوستلوق خستهخاناسی، فیلیسطینین ان بؤیوک خستهخانالاریندان بیری اولاراق اؤنه چیخیر.
تخمیناً ۳۴ مین ۸۰۰ مربع مترلیک ساحه اوزرینه قورولو، ۳ قاتلی و ۱۸۰ یاتاق توتوملو، تورکیهنین ائتدیردیگی خستهخانانین تیکیمی، ۲۰۱۷.جی ایلده تاماملانمیشدی.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.