اردوغان: "تورک دؤولت‌لری تشکیلاتی داخیلینده هر بیر ایشه بؤیوک اهمیت و دگر وئریریک"

"ساغلام‌لیقدا صونعی ذکا مؤوضوعسوندا تقدیمات‌لارین و موذاکیره‌لرین هامیمیزین دونیاگؤروشونو گئنیش لندیرجگی شوبهه‌سیزدیر"

بو سؤزلری جمهور باشقانی رجب طیب اردوغان 9-جو تورک طب دونیاسی قورولتاینا و عزیز سانجارین علم، خیدمت و تشویق موکافات‌لاری مراسیمینه گؤندردیگی ویدئو مراجعتینده دئییب.

تورک دؤولت‌لری تشکیلاتی داخیلینده هر بیر ایشه بؤیوک اهمیت و دگر وئردیک‌لرینی ایفاده ائدن جمهور باشقانی اردوغان دئییب:

"تورک دؤولت‌لری تشکیلاتی چرچیوه‌سینده گؤردوگوموز هر بیر ایشه بؤیوک اهمیت و دگر وئریریک. 6 فوریه تاریخینده تورکیه-ده باش وئرن زلز‌له‌لردن سونرا تورک جمهوریت‌لرینده‌کی‌ قارداش‌لاریمیزین میللتیمیزله هم رای‌لیگینی اونوتمامیشیق و اونوتمایاجاغیق. اینانیرام کی، بوندان سونرا دا بؤیوک اوغورلار قازاناجاغیق".

جمهور باشقانی اردوغان 9-جو تورک طب دونیاسی کنگره سی‌نین ساغلیق ساحه‌سینده امکداش‌لیق پتانسیلی‌نین تام سفربر اولونماسیندا چوخ مهم رول اوینادیغینی وورغولاییب:

"گئتدیکجه آرتان و 2030-جو ایله قدر 1،5 تریلیون دو‌ارلیق بازارا چاتاجاغی گؤزلنیلن صونعی ذکا تکنولوژیلری حیاتیمیزین هر ساحه‌سینه تأثیر ائدیر. ساغلام‌لیقدا صونعی ذکا مؤوضوعسوندا تقدیمات‌لارین و موذاکیره‌لرین هامیمیزین دونیاگؤروشونو گئنیشلندیرجگی شوبهه‌سیزدیر".

قورولتای ایله هر ایل عینی واختدا ساغلام‌لیق ساحه‌سینده اوغورلو تدقیقات‌لار آپاران علم آدام‌لارینی موکافاتلاندیردیق‌لارینی ایفاده ائدن جمهور باشقانی اردوغان "نوبل موکافات‌لی عالیمیمیز پروفسور دوقتور عزیز سانجارین آدینا حصر اولونموش موکافاتی قازانان‌لاری اورک‌دن تبریک ائدیرم" دئییب.