کوجا: "تورکیه بؤلگهیه گمی خستهخانا گؤندرمهیه حاضیردیر"
ساغلیق ناظیری فخرالدین کوجا تورکیه-نین بؤلگهیه گمی خستهخانا گؤندرمهیه، غزه-ده و یا رفح سرحد-کئچید منطقهسینه یاخین نقطهلرده صحرا خستهخانالاری قورماغا حاضیر اولدوغونو بیلدیریب.
ساغلیق ناظیری فخرالدین کوجا تورکیه-نین بؤلگهیه گمی خستهخانا گؤندرمهیه، غزه-ده و یا رفح سرحد-کئچید منطقهسینه یاخین نقطهلرده صحرا خستهخانالاری قورماغا حاضیر اولدوغونو بیلدیریب.
فخرالدین کوجا سوسیال مئدیا حسابیندان ائتدیگی پایلاشیمدا دئییب: "ناظیرلیگیمیز غزه-یه ساغلیق خیدمتی گؤسترمک اوچون حرکته کئچدی و بو چرچیوهده اولوسلار آراسی ساغلیق تشکیلاتلاری ایله دانیشیقلار داوام ائدیر.
غزه-دهکی الاهلی باپتیست خستهخاناسینا ائدیلن غیری-اینسانی هوجومدان سونرا دونیا ساغلیق تشکیلاتینین یوکسک درجه لی مودیرلری ده داخیل اولماقلا، مووافیق بیر چوخ اولوسلار آراسی تشکیلاتلارلا تلفون دیپلماسیسی حیاتا کئچیردیک. اینسان ساغلاملیغینا خیدمت ائدن قوروملارین هر هانسی شرایطده و هانسی سببدن اولورسا اولسون هوجوما معروض قالماسینین قبول ائدیلمهسی دوشونوله بیلمز".
ناظیر کوجا دونیا ساغلیق تشکیلاتی-نین آوروپا بولگه مودیری هانس کلوگه ایله گؤروشونده بؤلگهیه ساغلیق خیدمتلرینده دستک وئریلمهسینین عاجیل و واجیب اولدوغونو بیلدیریب:
"دوینا ساغلیق تشکیلاتی بو فعالیتلری آپارماغا قرار وئررسه، بیز اونونلا بیرلیکده حرکت ائتمهیه حاضیریق. من گؤروشلریمده دونیا ساغلیق تشکیلاتینین بو معنادا تاریخی بیر مسئولیت داشیدیغینی تاکیدله دیله گتیردیم".
فخرالدین کوجا وورغولاییب کی، دیپلوماتیک چتینلیکلره باخمایاراق، تورکیه هر زامان کؤرپهلرین، اوشاقلارین، قوجالارین و گوناهسیز اینسانلارین یانیندا اولماغا داوام ائدهجک.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.