جمهور باشقانی اردوغان امریکانی تنقید ائدیب

جمهور باشقانی رجب طیب اردوغان اورتا دوغوداکی گرگین‌لیکده بوتون دقت‌لری امریکا-یا چکه‌جک بیانات وئردی.

جمهور باشقانی رجب طیب اردوغان پایتاخت آنکارادا اطریش باش ناظیری کارل نهمر ایله گؤروشوندن سونرا تشکیل ائدیلن بیرگه مطبوعات کنفرانسیندا دانیشیب.

اوکتبرین 7-دن اورتا دوغودا آرتماقدا اولان گرگین‌لیگی دیرلن‌دیرن جمهور باشقانی اردوغان امریکانین بؤلگه‌ده‌کی حاضیرکی مرحله‌ده‌کی موضعینی تنقید ائدیب.

امریکا رهبرلیگی‌نین بؤلگه‌یه "USS Gerald R. Ford" اوچاق ‌داشییان گمی‌سینی گؤندرمه‌سینه توخونا‌راق دئییب:

"امریکانین اوچاق ‌داشییان گمیسی‌نین ایسراییل-ده نه ایشی وار؟ او نه ائتمه‌یه گلیر؟ اوچاق گمیسی‌نین اطرافینداکی بوتون قاییق‌لاری و اوچاق ‌داشییان اوچاق لاری ایله نه ائده‌جک؟ بون‌دان سونرا غزه-یه و اطرافینا هوجوم ائده‌رک، محو ائده‌رک چوخ جدی قیرغین‌لار تؤرتمه‌یه باشلایا‌جاق‌لار. حاضیردا سوریه-ده 20-دن چوخ امریکا پایگاهی وار. امریکا پایگاه لارینین سوریه-ده نه ایشی وار؟ بو پایگاه لاردا نلر ائدیلیر؟ 23 یایگاه مؤوجوت‌دور. بوتون بون‌لاری قیمتلندیرمک لازیم دئییل می؟ اما تأسف‌لر اولسون کی، امریکا تورکیه-یه مخصوص اینسانسیز هاوا آراجی وورور (بولوجو ترور تشکیلاتی پ.کا.کا-یا قارشی عملیات کئچیرن). تورکیه حاضیردا امریکانین ناتو-داکی طرفداشی دئییل می؟ بیرلیکده دئییل می؟ بونو نئجه ایضاح ائدک؟ بونو نئجه قیمتلندیرجییک؟ بیزه اویغون گلنده طرفداشیق، اما بیزه اویغون گلمه‌ینده تأسف کی طرفداش دئییلییک. امریکا بوتون ترور تشکیلات‌لارینا تعلیم کئچیر، سیلاحلاندیریر. تأسف کی، ایستر سوریه-ده، ایسترسه ده اورتا دوغودا بو یئرلری قان گؤلونه چئویریر. گلین بون‌لارا باخاق".

بولگه‌ده گرگین‌لیگی آرتیرا‌جاق، داها چوخ قان تؤکولمه‌سینه سبب اولا‌جاق، پروبلئم‌لری داها دا درین‌لش‌دیره‌جک آددیم‌لاردان قاچماغین واجیب اولدوغونو وورغولایان جمهور باشقانی اردوغان دئییب کی،حاضیردا غزه-یه سو وئریلمیر. بس اینسان حقوق‌لاری؟ ایشیق یوخ‌دور، وئریلمیر. حاضیردا غزه-ده خسته‌خانا‌لاردا وضعیت نئجه‌دیر؟ فعالیت ائدیرمی؟ تأسف کی!... اما عبادت یئرلری و خسته‌خانا‌لار آمان‌سیزجاسینا وورولور. بون‌لار ائدیلرکن هئچ کیم هئچ نه دئمیر.

خاطیرلاداق کی، "حماس"ین حربی قانادی قسام گردان لاری اوکتبرین 7-سی گئجه‌سی ایسراییله قارشی "القصی طوفانی" آدلی هرطرف‌لی هوجوما کئچیب. غزه-دن ایسراییله دوغرو مین‌لرله راکت آتیلیب، سلاحلی قروپ‌لار بؤلگه‌ده‌کی یاشاییش منطقه‌لرینه داخیل اولوب. ایسراییل اوردوسو دا دؤیوش اوچاق لاری ایله غزه زولاغینا قارشی "دمیر قیلینج‌لار" عملیاتینا باشلاییب.