عراقین قوزئیینه هاوا عملیاتی
"اصیل میللتیمیزین باغریندان چیخان تورک سلاحلی گوجلری، اؤلکه‌میزین و میللتیمیزین بقا و گوونلیگی اوچون ترورلا موباریزه‌یه تک بیر تروریست قالمایینجایا قدر عزم و قرارلیلیقلا داوام ائد‌جک"
عراقین قوزئیینه تشکیل ائدیله‌ن هاوا عملیاتیندا، ایچینده مسئول سویه‌ده تروریستلرین ده اولدوغو ۱۶ هدف یوخ ائدیلدی، چوخ ساییدا تروریست ضررسیز حالا گتیریلدی.
میللی ساوونما باخانلیغیندان وئریله‌ن آچیقلامایا گؤره، پ‌کاکا/کاج‌کا و دیگر تروریست عنصورلاری ضررسیز حالا گتیره‌رک عراقین قوزئییندن تورکیه‌یه قارشی ترور سالدیریلارینی آرادان قالدیرماق و سرحد گوونلیگینی تامین ائتمک مقصدی ایله، بیرلشمیش میللتلر آنلاشماسینین ۵۱.جی ماده‌سیندن قایناقلانان مشروع ساوونما حاقی ایستیقامتینده عراقین قوزئیینده‌کی متینا، غارا، خاکورک، قندیل و آسوس بؤلگه‌لرینده اولان هدفلره هاوا عملیاتلاری تشکیل ائدیلدی.
هاوا عملیاتلارییلا، بؤلوجو ترور هؤرگوتو طرفیندن ایستیفاده ائدیله‌ن و ایچریسینده مسئول سویه‌ده تروریستلرین ده اولدوغو دگرلندیریله‌ن ماغارا، سیغیناق، باریناق و آنبارلاردان عبارت اولان توپلام ۱۶ هدف یوخ ائدیلدی.
عملیاتلاردا ان اوست سویه‌ده یئرلی و میللی مهماتدان ایستیفاده ائدیله‌رک چوخ ساییدا تروریست ضررسیز حالا گتیریلدی.
آچیقلامادا، "اصیل میللتیمیزین باغریندان چیخان تورک سلاحلی گوجلری، گئچمیشده اولدوغو کیمی بو گون ده اؤلکه‌میزین و میللتیمیزین بقا و گوونلیگی اوچون ترورلا موباریزه‌یه تک بیر تروریست قالمایینجایا قدر عزم و قرارلیلیقلا داوام ائد‌جک" ایفاده‌لری ایشله‌دیلدی.
عملیات سیراسیندا سوچسوز وطنداشلارین، دوست عنصورلارین، تاریخی و مدنی وارلیقلار ایله چئوره‌نین ضرر گؤرمه‌مه‌سی اوچون هر جور تدبیرین آلیندیغی بیلدیریلدی.
ایلگیلی‌لی خبرلر
پ‌کاکا‌لی ۵ تروریست ضررسیزلشدیریلدی
"ان سون تروریست ضررسیز حالا گتیریلنه قدر عملیاتلاریمیز داوام ائد‌جک"
