تورکیهدن قاراباغ آچیقلاماسی
"آذربایجان، اؤز اگمن تورپاقلاری اوزرینده لازیم گؤردوگو تدبیرلری آلماق دوروموندا قالمیشدیر"
تورکیه، قاراباغداکی آنتیترور عملیاتینی، "آذربایجانین اؤز اگمن تورپاقلاری اوزرینده لازیم گؤردوگو تدبیرلری آلماسی" اولاراق تانیملادی.
خاریجی ایشلر باخانلیغیندان وئریلهن یازیلی آچیقلامادا، آذربایجانین قاراباغ بؤلگهسیندهکی یاسادیشی ارمنی سلاحلی عنصورلارین، آذربایجان اوردوسونا و گوونلیک گؤرهولیلرینه قارشی اوزون مدتدیر سلاحلی سالدیری و تخریباتلاری داوام ائتدیردیگی ایفاده ائدیلهرک، بونا قارشیلیق آذربایجان اوردوسونون، اؤزللیکله عسگری عنصورلارین هدف آلیندیغی بیر آنتیترور عملیاتی باشلاتدیغی خاطیرلادیلدی.
ایکینجی قاراباغ ساواشینین سونا چاتماسیندان (۲۰۲۰) بو یانا آذربایجانین ساحهدهکی وضعیته باغلی اولاراق داواملی دیله گتیردیگی مشروع و حاقلی قایغیلارینین آرادان قالدیریلمادیغی بیلدیریلدیگی آچیقلامادا،
"آذربایجان، اؤز اگمن تورپاقلاری اوزرینده لازیم گؤردوگو تدبیرلری آلماق دوروموندا قالمیشدیر" دگرلندیرمهسی وئریلدی.
آچیقلامادا، "آذربایجان ایله ارمنیستان آراسیندا ایجرا ائدیلهن گؤروشمه سورهجینین نتیجه مرکزلی اولاراق داوامینین تامین ائدیلمهسینین، ثابیتلیگین تاسیسی اوچون تک یول اولدوغونا اینانیریق" ایفادهسینه یئر وئریلدی.
ایلگیلیلی خبرلر
پکاکالی ۴ تروریست تاثیرسیز حالا گتیریلدی
"تروریستلر اوچون قاچاجاق یئر یوخ، هئچ بیر یئر اونلار اوچون اعتبارلی دئییل"
۴ تروریست تاثیرسیز حالا گتیریلدی
بیت الشباپ چؤلونده بؤلوجو ترور تشکیلاتی منسوبو تروریستلرله ایستی تماس تامین ائدیلدی