کورتولموش:"باتی اؤلکه‌لرینده قرانا هوجوم‌لاری ایزله‌ین‌لر اؤز سون‌لارینی حاضیرلاییر"
تورکیه بؤیوک میللت مجلیسی‌نین صدری نومان کورتولموش بعضی باتی اؤلکه‌لرینده قرانا هوجوم‌لارین آچیق-آشکار اینسان‌لیق جینایتی اولدوغونو بیلدیریب.
تورکیه بؤیوک میللت مجلیسی‌نین صدری نومان کورتولموش بعضی باتی اؤلکه‌لرینده قرانا هوجوم‌لارین آچیق-آشکار اینسان‌لیق جینایتی اولدوغونو بیلدیریب.
تورکیه بؤیوک میللت مجلیسینده کئچیریلن 14-جو سفیرلر کنفرانسی چرچیوه‌سینده پایتاخت آنکارایا گلن سفیرلری قبول ائدن نومان کورتولموش باتی اؤلکه‌لرینده‌کی تخریباتچی حرکت‌لره ده توخونا‌راق دئییب: "باتی دا قران کریمین یاندیریلماسی مسئله‌سی تکجه بعضی فاشیست‌لرین مسلمان‌لارا قارشی تحقیری کیمی قبول ائدیلمه‌مه‌لی‌دیر. بو حادثه اؤزلوگونده بوتون بشریته قارشی آچیق جینایت‌دیر. بو گون بونو سیاسی موتیو‌لرله ایزله‌ین‌لر اصلینده اؤز سون‌لارینی حاضیرلاییرلار. آوروپادا بو عیرقچی، آنتی-ایسلام حرکات‌لاری‌نین گئدیشاتی اصلینده آوروپانین متمادی سیاست دامارلارینی ضعیفله‌دیر.
تورکیه‌نین ایسلامافوبیایا قارشی اینسانی یاناشماسی آوروپا خالق‌لاری‌نین دموکراتیک گله‌جگی اوچون سون درجه دگرلی بیر تشببوس‌دور. اؤلکه‌میز باریش، ثابت‌لیک و اعتبارا یؤنلمیش خاریجی سیاست یورودور. تورکیه-نین اؤز موضعینی محکملندیرمک مجبوریتینده حیس ائدن بیر اؤلکه‌دیر. آرتیق تورکیه بئله بیر گوج و قدرت قازانیب.
تورکیه بؤیوک میللت مجلیسی‌نین صدری، تورکیه-نین هدف لرینی خاریجی سیاست محورینده گو گوجلندیرمه‌یه داوام ائده‌جگینی ایفاده ائدیب.
ایلگیلی‌لی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-ده‌کی سون وضعیتی موذاکیره ائدیب‌لر.
