جمهور باشقانی اردوغان ایله پوتین آراسیندا تلفون دانیشیغی اولوب
بو بارهده جمهور باشقانلیغی ایله تیشیم ایداره سی معلومات یاییب.
جمهور باشقانی رجب طیب اردوغانلا روسیانین دؤولت باشچیسی ولادیمیر پوتین آراسیندا تلفون دانیشیغی اولوب.
بو بارهده جمهور باشقانلیغی ایله تیشیم ایداره سی معلومات یاییب.
دؤولت باشچیسی اردوغان تورکیه-ده مئشه یانغینلاری ایله موباریزه اوچون 2 آمفیبیا یانغین سؤندورمه طیارهسی گؤندردیگینه گؤره پوتینه تشککور ائدیب.
جمهور باشقانی اردوغان روسایادان گلن توریستلرین تورکیه-یه آرتان ماراغیندان ممنونلوغونو ایفاده ائدهرک، جاری ایل بیرگه سعیلر نتیجهسینده توریزمده رکوردو قیراجاقلارینا ایناندیغینی دیله گتیریب.
پرزیدنت اردوغان روسیا-اوکراینا محاربهسینده گرگینلیگی آرتیراجاق آددیملارین آتیلماماسینین لازیم اولدوغونو سؤیلهییب، "باریش کؤرپوسو" حساب ائتدیگی قارا دنیز تشببوسونون اهمیتینی وورغولاییب.
تلفون دانیشیغی زامانی ولادیمیر پوتینین تورکیه-یه سفری ایله باغلی راضیلیق الده ائدیلیب.
قارا دنیز تاخیل تشببوسونون اوزون مدت دایاندیریلماسینین هئچ کیمه فایدا وئرمهیهجگینه، ان چوخ تاخیلا احتیاجی اولان و آشاغی گلیرلی اؤلکهلرین ضرر گؤرجگینه ایشاره ائدن جمهور باشقانی اردوغان سازیشین قوهیه میندیگی دؤورده 23 فایز آزالان دنلی بیتکیلرین قیمتلرینین سون ایکی هفتهده 15 فایز آرتیغینا دقت چکیب.
جمهور باشقانی اردوغان قئید ائدیب کی، تورکیه قارا دنیز تاخیل تشببوسونون داوام ائتدیریلمهسی اوچون جدی سعیلرینی و دیپلماسی حیاتا کئچیرمهیه داوام ائدهجک.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.