پرزیدنت اردوغان: "تورکیه اوچون تهدید تشکیل ائدن‌لری محو ائتمکده قرارلیییق"
جمهور باشقانی رجب طیب اردوغان پایتاخت آنکارادا گؤلباشی پولیس آکادمی سینده کئچیریلن پولیس پئشه لیسه‌لری‌نین فارغ التحصیلی مراسیمینده چیخیش ائدیب.
"مقصدیمیز ترور تشکیلات‌لارینی اؤلکه‌میز اوچون تهلوکه یاراتماق‌دان تامامیله چیخارماق‌دیر".
بونو جمهور باشقانی رجب طیب اردوغان پایتاخت آنکارادا گؤلباشی پولیس آکادمی سینده کئچیریلن پولیس پئشه لیسه لرینین فارغ التحصیلی مراسیمینده ائتدیگی چیخیشیندا دئییب.
"تورکیه اوچون تهدید اولان‌لاری هارادا اولور-اولسون محو ائتمکده قرارلیییق. تورکیه-نین امپریالیست گوجلر طرفیندن باشینا بئلا ائدیلن ترور بلاسیندان قورتولماسی حیاتی اهمیت داشیییر. تکجه تهلوکه‌سیزلیک دئییل، هم ده اقتصادیات‌دان دموکراسییه، خاریجی سیاست‌دن میللی بیرلیک و بوتؤو‌لویه قارشی تشببوس‌لرین قارشی‌سینی آلماق ترور بلاسینی تامامیله محو ائتمک‌دن آسیلی‌دیر"، -دئیه دؤولت باشچی‌سی قئید ائدیب.
جمهور باشقانی رجب طیب اردوغان چیخیشیندا کوچ پروبلئمی‌نین حلی‌نین یولونون ترور تشکیلات‌لارینا قارشی اوغورلو موباریزه‌دن کئچدیگینی بیلدیریب:
تورکیه-یه و اونون اقتصادیاتینا تحفه وئرن هر کسه قاپیمیز آچیق‌دیر. جینایتله مشغول اولان‌لار، جمعیتین امین-آمان‌لیغینی پوزان‌لار و اؤلکه‌میزده غیری-قانونی اولان‌لار دیپورت ائدیلیر. سون ایکی آیدا 36 مین غیری-قانونی مهاجیر توتولوب. اونلاردان 16 مینی دیپورت ائدیلیب، قالان‌لارین ایشلری داوام ائدیر. اومید ائدیرم کی، مدنیتیمیزه، اینانجیمیزا، قانونوموزا و عدالتیمیزه اویغون اولاراق بو مسئله‌نی حل ائدجییک".
ایلگیلی‌لی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-ده‌کی سون وضعیتی موذاکیره ائدیب‌لر.
