جمهور باشقانی اردوغان سعودی عربیستانینا سفر ائدیب

سعودی عربیستانینا رسمی سفر ائدن جمهور باشقانی رجب طیب اردوغان بو اؤلکه‌نین ولیعهد شاه‌زاده‌سی محمد بن سلمان طرفیندن رسمی مراسیمله قارشیلانیب.

قارشیلاما مراسیمیندن سونرا طرف‌لر هئیت‌لر آراسیندا باش توتان گؤروش‌لره صدرلیک ائدیب‌لر.

مراسیمده خاریجی ایشلر ناظیری هاکان فیدان، انرژی و طبیعی ثروت‌لر ناظیری آلپارسلان بایراکتار، میللی ساوونما ناظیری یاشار گولر، صنایع و تکنولوژی ناظیری محمت فاتح کاچیر، تیجارت ناظیری عمر بولات، عدالت و اینکیشاف پارتیاسی‌نین صدر معاوینلری عمر چئلیک، ظفر سیراکایا، جمهور باشقانلیغی ایله تیشیم ایداره‌سی‌نین رهبری فخرالدین آلتون، میللی کشفیات تشکیلاتی‌نین رهبری ایبراهیم کالین و پرزیدنتین باش مشاویری سفیر آکیف چاغاتای کیلیچ دا ایشتیراک ائدیب‌لر.

قئید ائدک کی، جمهور باشقانی رجب طیب اردوغان و سعودی عربیستانی‌نین ولیعهد شاه‌زاده‌سی محمد بن سلمان آراسیندا تکبتک گؤروش ده اولوب.

السلام ساراییندا باش توتان گؤروش مطبوعاتا قاپا‌لی کئچیریلیب.