تورکیه بمت-نی قرانی-کریمین یاندیریلماسینین قارشیسینی آلماغا چاغیریب
خاریجی ایشلر ناظیرینین معاوینی یاسین اکرم سریم ویدئوموراجیتله فوق العاده ایجلاسا قاتیلارکن قرانا قارشی سون هوجوملاری پیسلهییب.
![تورکیه بمت-نی قرانی-کریمین یاندیریلماسینین قارشیسینی آلماغا چاغیریب](http://cdn.trt.net.tr/images/xlarge/rectangle/f229/b9a4/c272/64ae3a5f52ef3.jpg?time=1718880050)
خاریجی ایشلر ناظیرینین معاوینی یاسین اکرم سریم ویدئوموراجیتله فوق العاده ایجلاسا قاتیلارکن قرانا قارشی سون هوجوملاری پیسلهییب.
بیرلشمیش میللتلر تشکیلاتینین (بمت) اینسان حاقلاری شوراسیندا قرانی-کریمه ائدیلن هوجوملاری موذاکیره ائتمک اوچون کئچیریلن فوق العاده خصوصی اوتورومدا بعضی آوروپا بیرلیگینه عضو اؤلکهلرله امریکا و اینگیلتره قرانا ائدیلن هوجوملاری پیسلهمگی رد ائدیب.
ژنوده اینسان حقوقلاری شوراسینین 53-جو ائرکن ایجلاسی داوام ائدرکن ایسلام امکداشلیق تشکیلاتینین چاغیریشی ایله فوق العاده خصوصی اوتوروم کئچیریلیب.
تورکیه ایجلاسدا بمت-نی قرانی-کریمین یاندیریلماسینین قارشیسینی آلماغا چاغیریب و قرانا هوجوملاری پیسلهییب.
خاریجی ایشلر ناظیرینین معاوینی یاسین اکرم سریم ویدئوموراجیتله فوق العاده ایجلاسا قاتیلارکن قرانا قارشی سون هوجوملاری پیسلهییب.
ناظیر معاوینی سریم بیان ائدیب کی، اهالیسینین اکثریتی مسلمان، آوروپا شوراسی و ناتو کیمی بوتون باتی تشکیلاتلارینین عضوو و طرفداشی، آوروپا بیرلیگینه عضولویه نامیزد اولان تورکیه آنتی-ایسلامیزمه قارشی تشببوسلری دستکلمهیه داوام ائدهجک.
دین و اینانجا گؤره نیفرت و آیری-سئچکیلیکله موباریزه آپارماغین سؤزوگئدن اؤلکهلرین مسئولیتی اولدوغونو بیلدیرن سئریم دئییب:
"تورکیه بو مقصدله بوتون اؤلکهلرله ایکی طرفلی و چوخ طرفلی سویهده ایشلمهیه حاضیردیر. بیز تکجه مسلمانلاری دئییل، بوتون بشریتی تهدید ائدن نیفرت آکتلارینا قارشی آچیق و اورتاق مئساژ وئرمک اوچون بوتون اؤلکهلری بو قراری دستکلمهیه چاغیریریق".
دیگر طرفدن، سعودی عربیستانی، پاکیستان، اوردون، میصر، اندونزیا و ایرانین خاریجی ایشلر ناظیرلری و قطرین اولوسلار آراسی امکداشلیق اوزره دؤولت ناظیری ده ویدئوموراجیتله ایجلاسدا آچیقلامالار وئریبلر.
قئید ائدک کی، ایسلام امکداشلیق تشکیلاتین تقدیم ائتدیگی قرار لاییحهسینده؛ قرانی هدف آلان و "دینه نیفرت" اولاراق خاراکتریزه ائدیلن هوجوملارین پیسلنمهسی چاغیریشی ائدیلیب.
قرانی کریمه هوجوملارلا باغلی کئچیریلن فوق العاده ایجلاسا تقدیم ائدیلن قرار لاییحهسی آوروپا بیرلیگی آدیندان چیخیش ائدن بلژیک طرفیندن سسه قویولوب.
سسوئرمهدن اول بعضی آوروپا بیرلیگینه عضو اؤلکهلر، همچنین امریکا و اینگیلتره قرانی-کریمین یاندیریلماسی ایله باغلی تخریباتلاری پیسلهین قانون لاییحهسینه “یوخ” سس وئرهجکلرینی بیان ائدیبلر.
بعضی اؤلکهلرین چیخیشلارینین اوزادیلماسیندان سونرا شورا یئنیدن توپلاناراق ایسلام امداشلیق تشکیلاتینین قیناما قانون لاییحهسینی سسه قویماغا قرار وئریب.
خاطیرلاداق کی، قرانا قارشی سون هوجوملار بمت باش کاتیبی و پاپا طرفیندن ده قینانمیشدی.