تورکیه، ایسراییل قوهلرینین جنین شهرینه هوجومونو پیسلهییب
خاریجی ایشلر ناظیرلیگی ایسراییل قوهلرینین ایشغال آلتینداکی اوردون چایینین باتی ساحلینده جنین شهرینه تشکیل ائتدیگی باسقینلا باغلی یازیلی آچیقلاما یاییب.
![تورکیه، ایسراییل قوهلرینین جنین شهرینه هوجومونو پیسلهییب](http://cdn.trt.net.tr/images/xlarge/rectangle/16ad/e57b/d27b/60a7b4bf1a6b8.jpg?time=1718865670)
خاریجی ایشلر ناظیرلیگی ایسراییل قوهلرینین ایشغال آلتینداکی اوردون چایینین باتی ساحلینده جنین شهرینه تشکیل ائتدیگی باسقینلا باغلی یازیلی آچیقلاما یاییب.
تورکیه-نین خاریجی ایشلر ناظیرلیگی ایسراییل حربچیلرینین ایسراییلین ایشغالی آلتیندا اولان اوردون چایینین باتی ساحلینده جنین شهرینده حیاتا کئچیردیگی باسقینی شدتله قیناییب.
خاریجی ایشلر ناظیرلیگی ایسراییل قوهلرینین ایشغال آلتینداکی اوردون چایینین باتی ساحلینده جنین شهرینه تشکیل ائتدیگی باسقینلا باغلی یازیلی آچیقلاما یاییب.
آچیقلامادا دئییلیب:
"ایسراییل قوهلرینین بو گون (3 جولای) ایسراییل طرفیندن ایشغال اولونموش اوردون چایینین باتی ساحلینده جنین شهرینده حیاتا کئچیردیگی باسقینی شدتله قیناییریق. بؤلگهدهکی مؤوجود گرگینلیگین بو هوجوملارلا یئنی زوراکیلیق حادثهلرینی آرتیراجاغیندان درین ناراحاتیق. ایسراییل حاکمیتینی ساغلام دوشونجه ایله حرکت ائتمهیه و بو جور حرکتلری دایاندیرماغا چاغیریشیمیزی تکرار ائدیریک.
حادثهلرده حیاتینی ایتیرن فیلیسطینلی قارداشلاریمیزا اللهدان رحمت، یارالانانلارا شفا دیلییر، فیلیسطین دؤولتینه و خالقینا باش ساغلیغی وئریریک".
قئید ائدک کی، جولایین 3-ده ایسراییل قوهلرینین ایشغال آلتینداکی اوردون چایینین باتی ساحلینده جنین شهرینه تشکیل ائتدیگی هاوا هوجومو و باسقین نتیجهسینده 8 فیلیسطینلی هلاک اولوب. البیره شهرینده ده ایسراییل عسگرلرینین آچدیغی آتش نتیجهسینده باشیندان گولله یاراسی آلان بیر فیلیسطینلی حیاتینی ایتیریب.