جمهور باشقانی اردوغان بیرلشمیش عرب امیرلیک‌لرینه سفر ائده‌جک

جمهور باشقانی اردوغان یاخین گون‌لرده بیرلشمیش عرب امیرلیک‌لرینه سفر ائده‌جک.

بونو خزینه و مالیه ناظیری محمت شیمشک دئییب.

سفر چرچیوه‌سینده ایکی اؤلکه آراسیندا بیر سیرا سازیش‌لرین ایمضالاناجاغی گؤزلنیلیر.

ناظیر محمت شیمشک ناظیرلر کابینه‌سی‌نین ایجلاسیندان سونرا آچیقلاما‌لار وئریب.

ایجلاس‌دان اول جمهور باشقانی یاردیمجیسی جودت ییلماز ایله بیرلشمیش عرب امیرلیک‌لرینه سفرلری‌نین محصولدار کئچدیگینی ایفاده ائدن شیمشک پرزیدنت محمد بن زاید ال نهیان ایله گؤروش‌لرده یئنی اقتصادی امکداش‌لیق ایمکان‌لاری‌نین قیمتلندیریلدیگینی سؤیله‌ییب.

شیمشک بایرام گون‌لرینده ایکی اؤلکه‌نین نوماینده هئیت‌لری‌نین مسئله ایله باغلی ایشلرینی داوام ائتدیردیگینی وورغولاییب.

ناظیر گلن هفته بیرلشمیش عرب امیرلیک‌لریندن تورکیه-یه نوماینده هئیتی‌نین گله‌جگینی ده بیلدیریب.

ناظیر شیمشک ایکی اؤلکه‌نین نوماینده هئیت‌لری آراسینداکی فعالیت‌لر کونکرتلشدیک‌دن سونرا جمهور باشقانی اردوغانین بیرلشمیش عرب امیرلیک‌لرینه سفر ائدجگینی ده آچیقلاییب.

ناظیر وورغولاییب کی، سؤزوگئدن سفرین ژوئن‌ین 11-12-ده ناتو لیدرلر ذیروه توپلانتی‌سیندان سونرا حیاتا کئچیریلمه‌سی پلانلاشدیریلیر.