تورک هاوا یوللاری سککیزینجی دفعه "آوروپانین ان یاخشیسی" سئچیلیب
تورک هاوا یوللاری دونیا هاوا یوللاری موکافاتلاریندا سککیزینجی دفعه "آوروپانین ان یاخشی هاوا یوللاری" موکافاتینا لاییق گؤرولوب.
تورک هاوا یوللاری (THY) اولوسلار آراسی هاوا نقلیاتی درجه لندیرمه قورومو اسکای تراکس طرفیندن 8-جی دفعه "آوروپانین ان یاخشی هاوا یولو شیرکتی" موکافاتینا لاییق گؤرولوب.
تورک هاوا یوللاری مطبوعات خیدمتیندن وئریلن معلوماتا گؤره، اینگیلیس، فرانسیز، ایسپان، روس، ژاپون و چین دیللرینده آپاریلان 2022-2023 اسکای تراکس موکافات سورغوسوندا 100-دن چوخ اؤلکه وطنداشینی تمثیل ائدن 20 میلیون 230 مین جاواب قیمتلندیریلیب و غالیبلر 325 هاوایولو سیرکت آراسیندا معین ائدیلیب.
سورغونون نتیجهلری فرانسانین پاریس هاوا و اوزای موزه سینده (Paris Air and Space Museum) کئچیریلن تدبیرده آچیقلانیب.
تورک هاوا یول لاری "آوروپانین ان یاخشی هاوا یولو شیرکتی" سئچیلیب، "دونیانین ان یاخشی تیجاری کلاسی پذیرایی سرویسی"، "دونیانین ان یاخشی اکونومی کلاسی پذیرایی سرویسی"، "گونئی آوروپانین ان یاخشی هاوا یولو شیرکتی" و "آوروپانین ان یاخشی اکونومی کلاسی خیدمتی" موکافاتلارینا لاییق گؤرولوب.
تورک هاوا یول لارینین باش مودیری بلال اکشی سککیزینجی دفعه عینی موکافاتی آلماقدان غرور دویدوقلارینی بیلدیریب و "بیز بوتون ساحهلرده خیدمت آنلاییشیمیزی تکمیل لشدیرمهیه و قوناقلاریمیزی ان یاخشی شکیلده قبول ائتمهیه داوام ائدجییک" دئییب.
اسکای تراکس شیرکتینین مودیری ادوارد پلیستد ایسه 2023-جو ایل تورک هاوا یول لاری اوچون موکافاتلار باخیمیندان چوخ گؤزل بیر ایل اولدو. سککیزینجی دفعه "آوروپانین ان یاخشی هاوا یولو شیرکتی" کیمی بیرینجیلیک موکافاتینی قازانماق حیرت آمیز نایلیتدیر. "ان یاخشی تیجاری کلاسی پذیرایی سرویسی" و "ان یاخشی اکونومی کلاسی خیدمتی" موکافاتلاری تورک هاوا یول لارینین نیه بو قدر پوپولیار اولدوغونو بیر داها گؤستریر".
ایلگیلیلی خبرلر
ترورلا موباریزه قطعیتله داوام ائدیر
حیاتا کئچیریلن عملیاتلاردا 1-ی قیرمیزی، 3-و نارینجی کاتگوریده اولماقلا 5 ترورچو ضررسیزلشدیریلیب