تورکیه-سوریه ایلیشکیلرینین نورماللاشماسی اوچون آستانادا توپلانتی
تورکیه ایله سوریه ایلیشکیلرینین نورماللاشماسی اوچون تورکیه، سوریه، ایران و روسییا خاریجی ایشلر باخان کؤمکچیلری ییغینجاغی ۲۱ ژوئنده آستانادا تشکیل ائدیلهجک
تورکیه، سوریه، روسیا، ایران خاریجی ایشلر باخان کؤمکچیلرینین ۲۱ ژوئنده قازاقیستانین باشکندی آستانادا توپلاناجاغی بیلدیریلدی.
روسیا دؤولت باشقانی ولادیمیر پوتینین اورتا دوغو و آفریقا اؤلکهلری اؤزل نمایندهسی و خاریجی ایشلر باخان کؤمکچیسی میخائیل بوگدانوو، باشکند موسکوادا ژورنالیستلره وئردیگی آچیقلامادا، تورکیه ایله سوریه ایلیشکیلرینین نورماللاشماسی اوچون تورکیه، سوریه، ایران و روسییا خاریجی ایشلر باخان کؤمکچیلری ییغینجاغینین ۲۱ ژوئنده آستانادا تشکیل ائدیلهجگی بیلگیسینی پایلاشدی.
بوگدانوو،
"یول خریطهسی قونوسوندا روس پروژهسی حاضر. وظیفهمیز اورتاقلاریمیزلا موشاویره ائتمک و بو ایشی ایرلیلتمکدیر. آستاناداکی گؤروشمهلرده جدی ایرلیلهمه تامین ائدجییمیزی اومود ائدیرهم" ایفادهسینی ایشلتدی.
تورکیه، روسیا، ایران و سوریه خاریجی ایشلر باخانلاری، ۱۰ میده موسکوادا بیر آرایا گلمیشدی.
ییغینجاق سونراسیندا تورکیه-سوریه ایلیشکیلرینین ایرلیلهدیلمهسی اوچون یول خریطهسی حاضرلانماسی قرارلاشدیریلمیشدی. یول خریطهسینین حاضرلانماسی و سورهجین مرحلهلی شکیلده ایرلیلهدیلمهسی اوچون خاریجی ایشلر باخان کؤمکچیلری و ایلگیلی قوروم اولاراق ساوونما باخانلیغی و استخباراتین ایشتیراکییلا دؤردلو کمیته قورولماسینا قرار وئریلمیشدی.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.