یئنی کابینه عضولری وظیفه‌یه باشلاییر
جمعه گونو تعیین ائدیله‌ن کابینه عضولری وظیفه‌لرینه باشلاییر
جمهورباشقانی کؤمکچیسی جئودت ییلماز، باشکند آنکارادا جمهورباشقانلیغی ساراییندا مراسیمله گؤره‌وی فواد اوختای‌دان تحویل آلدی.
مراسیم‌ده‌کی دانیشماسیندا اقتصاد مئساژلاری وئره‌ن جئودت ییلماز،
"داوام ائتدیریله بیلر، یوکسک، احاطه ائدیجی، اینسان مرکزلی قالخینما و بؤیومه آنلاییشییلا یولوموزا داوام ائدجییک، تورملا موباریزه‌یه اؤزل بیر اؤنم و اؤنجه‌لیک وئرجییک. گئنیش اجتماعی کسیملره ایستیقامت‌لی راحاتلاتماغا دایر سیاستلریمیزی قرارلی شکیل‌ده تطبیق ائتمه‌گی داوام ائتدیرجییک" دئدی.
جمعه گونو تعیین ائدیله‌ن کابینه عضولری ده وظیفه‌لرینه باشلاییر.
خاریجی ایشلر باخانلیغینداکی گؤره‌و دییشیمی مراسیمین‌ده ده حاکان فیدان، گؤره‌وی مؤولود چاووش‌اوغلون‌دان تحویل آلدی.
مراسیم‌ده‌کی دانیشماسیندا دؤولت‌ده داواملیلیغین اساس اولدوغونو وورغولایان چاووش‌اوغلو،
"بیرلیک‌ده حرکت ائتمک‌دن شرف دویدوغوم سایین جمهورباشقانیمیز رجب طیب اردوغانین لیدئرلیگین‌ده ایندی وظیفه‌میز تورکیه عصرینی انشا ائتمکدیر" دئدی.
حاکان فیدان دا یئنی دؤنمه باغلی ایلک خاریجی سیاست مئساژینی وئره‌رک،
"دؤولتیمیزین و میللتیمیزین بوتونلوگو، گوونلیگی، رفاهی اوچون الیمدن گلن هر جور ابانی گؤستره‌جه‌یه‌م. دؤولتیمیزین هر جور تأثیر ساحه‌سیندن مستقیللیگی و میللتیمیزین ایراده‌سینین اگمنلیگی اساسینا دایالی میللی خاریجی سیاست ویزیونونو ایرلیلتمه‌یه داوام ائد‌جه‌یه‌م" ایفاده‌لرینی ایشلتدی.
فاتح دؤنمز ده انرژی و طبیعی قایناقلار باخانلیغی وظیفه‌سینی آلپ‌آرسلان بایراقدارا تحویل وئردی.
باخان بایراقدار، باخانلیقدا وظیفه دییشیمی مراسیمین‌ده ائتدیگی دانیشمادا،
"تورکیه‌نین کوره‌سل انرژی و معد‌ن بازارلارین‌داکی رولونو داها گوجلو حالا گتیرجییک" دئدی.
دؤنمز ایسه تورکیه‌نین، گاز تیجارت مرکزی ایله بیرلیک‌ده بؤلگه‌سین‌ده اؤنملی بیر آکتور اولاجاغینی سؤیله‌دی.
عائله و سوسیال خیدمتلر باخانی ماهینور اؤزدمیر گؤکتاش دا وظیفه‌نی دریا یانیقدان تحویل آلدی.
