آکار: "حربی هاوا قوه‌لریمیز دونیانین قاباقجیل هاوا قوه‌لری آراسیندا اؤز یئرینی توتوب"
میللی ساوونما ناظیری حولوصی آکار حربی هاوا قوه‌لری قوموتانلیغی‌نین یارادیلماسی‌نین 112-جی ایلدؤنومو موناسیبتیله مئساژ یاییب.
میللی ساوونما ناظیری حولوصی آکار حربی هاوا قوه‌لری قوموتانلیغی‌نین یارادیلماسی‌نین 112-جی ایلدؤنومو موناسیبتیله مئساژ یاییب.
تورک میللتی‌نین سما‌لاردا قورورو اولان حربی هاوا قوه‌لری‌نین یارانماسی‌نین 112-جی ایلدؤنومونو جوشغو و هیجان ایله قئید ائتدیک‌لرینی ایفاده ائدن آکار “بو گون حربی هاوا قوه‌لریمیز کؤک‌لو تجروبه‌سی، یوکسک حاضیرلیق‌لی، متخصص کادرلاری و اوستون تکنولوژی ایله دونیانین قاباقجیل هاوا قوه‌لری آراسیندا اؤز یئرینی توتوب” دئییب.
حولوصی آکار حربی هاوا قوه‌لری‌نین سمانی قوروماق‌دان ترورلا موباریزنی افکتیو شکیلده داوام ائتدیرمه‌یه، طبیعی فلاکت‌لرده یاردیم و تخلیه عملیاتلاریندان اولوسلار آراسی باریش و ثابیتلیگین دستکلنمه‌سینه قدر بیر چوخ ساحه‌ده اوزرینه دوشن وظیفه‌لری اوغورلا یئرینه یئتیردیگینی بیلدیریب.
“لاکین بیزیم اساس مقصدیمیز دونیانین ایلک حربی هاواجیلیک تشکیلاتلاریندان بیری اولان حربی هاوا قوه‌لریمیزی یئرلی و میللی سیستم‌لرله، خصوصاً ده کریتیک تکنولوژی ایله تجهیز ائتمک‌دیر”، دئیه ناظیر آکار قئید ائدیب.
میللی ساوونما ناظیرلیگی‌نین سوسیال مئدیا حسابیندا حربی هاوا قوه‌لری‌نین یارانماسی ایلدؤنومو موناسیبتیله تورک پیلوت‌لارین سمادا نوماییش ائتدیردیگی ویزوال شن‌لیک‌دن حیسه‌لرله ویدئو پایلاشیلیب. پای‌لاشیمدا دئییلیب:
“نجیب میللتیمیزین سما‌داکی قدرتی اولان، اؤلکه‌میزین و میللتیمیزین امین-آمان‌لیغی و تهلوکه‌سیزلیگی اوچون گئجه-گوندوز چالیشان تورکیه حربی هاوا قوه‌لری قوموتانلیغی‌نین 112-جی ایلدؤنومونو قئید ائدیر، اوردوموزا خیرلی و اوغورلو میسیون لار آرزو ائدیریک. حربی هاوا قوه‌لریمیزین قهرمان و فداکار شخصی هئیتینه اوغورلار دیلییریک”.
ایلگیلی‌لی خبرلر
۲ تروریست ضررسیزلشدیریلدی
قیرمیزی و بوز کتگوریلرده آختاریلان ۲ تروریست، شیرناک و دیارباکیردا ضررسیز حالا گتیریلدی
