آوروپا بیرلیگیندن تورکیه سئچیملرینه باغلی آچیقلاما
۱۴ می ۲۰۲۳ جمهورباشقانی سئچیملرین‌ده ایشتیراک نیسبتی یوزده ۸۸،۵۲ میللت وکیلی سئچیملرین‌ده ایسه یوزده ۸۷،۴۰ اولاراق آچیقلانمیشدی
آوروپا بیرلیگی خاریجی ایلیشکی‌لر و گوونلیک سیاستی یوکسک نماینده‌سی جورپ بورل و آوروپا بیرلیگی کمیسیونونون گئنیشله‌مه‌دن سوروملو عضوو اولیور وارهلی، سئچیملرله باغلی یازیلی آچیقلاما وئردی.
آچیقلامادا، "آوروپا بیرلیگی، تورکیه‌ده ۱۴ می بازار گونو ائدیله‌ن پارلمان ایله جمهورباشقانی سئچیملرینه یوکسک ایشتیراکی، تورک خالقینین دموکراتیک سس وئرمه حاقیندان ایستیفاده ائتمه تعهدونون آچیق بیر گؤستریچیسی اولاراق ممنونیتله قارشیلاییر" دگرلندیرمه‌سی وئریلدی.
آچیقلامادا، آوروپا بیرلیگینین یئنی پارلمانین وظیفه‌سینه باشلاماسینی هیجانلا گؤزله‌دیگی قید ائدیلدی.
آوروپا بیرلیگی کمیسیونو باشقانی اورزولا فن در لاین دا دونن وئردیگی آچیقلامادا "بو سئچیملرده‌کی چوخ بؤیوک قاتیلیم حقیقتاً یاخشی خبر چونکو بو تورک خالقینین دموکراتیک حاقلاریندان ایستیفاده ائد‌رک گئدیب سس وئرمه‌یه باغلیلیقلارینی، دموکراتیک قوروملارا دگر وئردیکلرینی گؤسترمکده‌دیر. بو دوننکی (بازار گونکو) سئچیملرین بؤیوک قازانیمیدیر" دگرلندیرمه‌سینی وئرمیشدی.
۱۴ می ۲۰۲۳ جمهورباشقانی سئچیملرین‌ده ایشتیراک نیسبتی یوزده ۸۸،۵۲ میللت وکیلی سئچیملرین‌ده ایسه یوزده ۸۷،۴۰ اولاراق آچیقلانمیشدی.
ایلگیلی‌لی خبرلر
پ‌کاکا‌لی ۴ تروریست تاثیرسیز حالا گتیریلدی
"تروریستلر اوچون قاچاجاق یئر یوخ، هئچ بیر یئر اونلار اوچون اعتبارلی دئییل"
۴ تروریست تاثیرسیز حالا گتیریلدی
بیت الشباپ چؤلونده بؤلوجو ترور تشکیلاتی منسوبو تروریستلرله ایستی تماس تامین ائدیلدی
