تورکیه سئچیمی دونیا مطبوعاتیندا
اولوسلارآراسی خبر آژانسلاری گلیشمهلری "سون دقیقه" کدو ایله پایلاشدی
تورکیهدهکی جمهورباشقانی و میللت وکیلی سئچیملری بوتون دونیادا ماراقلا ایزلهنیلدی.
اولوسلارآراسی خبر آژانسلاری گلیشمهلری "سون دقیقه" کدو ایله پایلاشدی. خبرلرده سئچیمه یوکسک ایشتیراک نیسبتینه ده دقت چکیلدی.
اینگیلتره مطبوعاتیندان اسکای نیوز، "صاندیقلارین تخمیناً یوزده ۹۷سی ساییلدی، جمهورباشقانلیغی یاریشیندا رجب طیب اردوغان یوزده ۴۹،۳۹ سس ایله قاباقدا" دئدی.
بیبیسی، جمهورباشقان اردوغانین، باشکند آنکاراداکی دانیشماسیندا لازیم اولسا ایکینجی تور سئچیملرینه حاضر اولدوقلارینی، آنجاق یئنه ده قازانابیلهجکلرینه ایناندیقلارینی سؤیلهدیگینی یاییملادی.
رویترس خبر آژانسی، اوی ساییمینین داوام ائتدیگی سئچیمده ایکی نامیزد ده یوزده ۵۰ حدینی هله آشابیلمهدی آچیقلاماسینا یئر وئردی.
آسوشیتد پرس خبر آژانسی دا جمهورباشقانی اردوغانین سئچیمین ایکینجی تورا قالماسی حالیندا اؤلکهنین قرارینا حؤرمت ائدجکلرینی سؤیلهدیگینی ایفاده ائتدی.
مئدیا قورولوشو فرانس ۲۴ده سئچیمین بؤیوک احتیماللا ایکینجی تورا قالاجاغی معلوماتی اوخوجولارلا پایلاشیلدی.
قطر مرکزلی یایین قورولوشو الجزیره، "ایلک سس وئرمه نتیجهلری اردوغانین رقیبینین اؤنونده اولدوغونو گؤستریر" دئدی.
آمریکانین نیویورک تایمز قزئتی، ۵ میلیون گنج سئچیجینین ایلک دفعه صاندیق باشینا گئتدیگینه وورغو ائتدی. اردوغان و قیلیچداراوغلونون ایکینجی تور مئساژلارینی پایلاشدی.
ایتالیا خبر آژانسی آنسا، سئچیمه ایشتیراکین یوکسک اولدوغونا دقت چکدی.
میدل است قزئتی ایسه سئچیملرین ایکینجی تورا قالماسینین گؤزلهنیلدیگینی یازدی.
گاردیان قزئتی، اردوغانین "سئچیم نتیجهلرینین هله دقیقلشمهمیش اولماسی، میللتیمیزین سئچیمینین آچیقجا بیزدن یانا اولدوغو گئرچگینی دییشدیرمز" ایفادهلرینی اوخوجولارییلا پایلاشدی.
سوئد مرکزلی داگنز نیهتر قزئتی ده قاتیلیم نیسبتینین رکورد سویهده اولدوغونا وورغو ائتدی.
یونانیستان مرکزلی کاتیمرینی قزئتی ده جمهورباشقانی نامیزدلرینین یوزده ۵۰نی گئچه بیلمهمهسی سببی ایله ۲۸ میده ایکینجی دفعه سئچیم ائدیلهجگینی یازدی.
ایلگیلیلی خبرلر
یاشار گولر لیبی ساوونما ناظیرینین معاوینی ایله گوروشوب
میللی ساوونما ناظیری یاشار گولر لیبی ساوونما ناظیرینین معاوینی عبدالسلام زوبینی قبول ائدیب.